“პროფესიით ვარ ფარმაცევტი, თუმცა სულ რაღაც 6 წლის წინ ჩემი თავი აღმოვაჩინე კულინარიაში და დღეს ვიცი, რომ ამის გარდა არაფრის კეთება არ მინდა, უდიდეს სიამოვნებას მანიჭებს, მაინტერესებს და მიყვარს. ბედნიერი ვარ რომ მოვხვდი ამ გუნდში, “იასამანი” არის ის სივრცე სადაც ყოველ დილით მოვდივარ დიდი სიხარულით და არ აღვიქვამ ამას როგორც რუტინულ სამუშაოს.
კერძის იდეა ეკუთვნის ნინი სტურუას, მასთან ერთად ვიმუშავე ამ კერძზე, დეტალები ერთად შევძინეთ და გამოვიდა ძალიან საინტერესო სეზონური სალათი, თავდაპირველად ვფიქრობდით რომ უნდა ყოფილიყო ვეგეტარიანელი სტუმრებისთვის, თუმცა ყველას ძალიან მოსწონს და გემრიელად მიირთმევს.” - მარიამ ფაჩულია, “იასამანი”
