ტორტია - ესპანური ომლეტი

მომზადების დრო

0-30 წთ

სირთულე

საშუალო

კალორიები

250-500 კალორია

საჭმლის ტიპი

მთავარი კერძი

უხდება

ბორჯომის მინერალური წყალი

რეცეპტის ავტორი

გიორგი იოსავა

ინგრედიენტები

ულუფა :

კვერცხი

2 ცალი

კარტოფილი

167 გრამი

ხახვი

25 გრამი

ზეითუნის ზეთი

17 მილილიტრი

წითელი ბულგარული წიწაკა

25 გრამი

პაპრიკა

1.33 გრამი

მარილი გემოვნებით

საფეხური

კარტოფილი დავჭრათ პატარა ზომის კუბებად, ხახვი - ალყა-ალყა და მოვბრაწოთ დარბილებამდე ერთად ტაფაში ისე, რომ არ იყოს უმი. ცალკე ავთქვიფოთ კვერცხი, დავამატოთ მარილი, პაპრიკა და წვრილ კუბებად დაჭრილი ბულგარული წიწაკა. შემდეგ, ამ კვერცხის მასაშივე ჩავამატოთ წინასწარ მობრაწული კარტოფილი და ხახვი, კარგად ავურიოთ.

საფეხური

ტაფაში დავასხათ ზეითუნის ზეთი, გავაცხელოთ და დავასხათ ეს ერთიანი მასა. ტაფა შევარჩიოთ ისეთი დიამეტრის, რომ მასზე მოთავსებული კვერცხი მასა აღემატებოდეს 2 სანტიმეტრს.

საფეხური

დავაფაროთ თავსახური და დავდგათ დაბალ ცეცხლზე. როგორც კი თავს მოიკრევს და გამაგრდება, ეს მასა უნდა ამოვატრიალოთ თეფშის დახმარებით და შევწვათ მეორე მხრიდან.

სერვირება

უგემრიელესი საუზმე მთელი ოჯახისათვის - გემრიელად მიირთვით!

Comments