ტოლმა ინდაურის ხორცით ნაღებისა და ტომატის სოუსში

დაამარინადეთ ინდაურის ფილე მარილით, პილპილით და ბორჯომის მინერალური წყლით 1 საათის განმავლობაში,  ხორცი უფრო ნაზი გახდება, შემდეგ დაჭერით ის ძალიან წვრილად. ასევე წვრილად დაჭერით ხახვი და სტაფილო. დაჭრილი ბოსტნეული შეწვით მცენარეულ ზეთში, დაუმატეთ ინდაურის ფარში, მიიყვანეთ სრულ მომზადებამდე და დაუმატეთ არაჟანი. მარილი და პილპილი გემოვნებით 

ვამზადებთ ტოლმას. მდუღარე წყალში გაატარეთ კომბოსტოს ფოთლები სირბილემდე, ფარშის მოხერხებულად  მოხვევისთვის. თითოეულ კომბოსტოს ფოთოლზე მოათავსეთ 50-60 გ ფარში და შეახვიეთ.

მოათავსეთ პერგამენტის ქაღალდით დაფენილ საცხობ ფორმაზე, დაუმატეთ კარაქი და ცოტაოდენი გაფილტრული წყალი, გამოაცხვეთ ფოლგის ქვეშ 10-12 წუთის განმავლობაში 180 გრადუსზე და კიდევ 5-7 წუთი ფოლგის გარეშე, ლამაზი ფერის მიღებამდე. 

მოათავსეთ პერგამენტის ქაღალდით დაფენილ საცხობ ფორმაზე, დაუმატეთ კარაქი და ცოტაოდენი გაფილტრული წყალი, გამოაცხვეთ ფოლგის ქვეშ 10-12 წუთის განმავლობაში 180 გრადუსზე და კიდევ 5-7 წუთი ფოლგის გარეშე — ლამაზი ფერის მიღებამდე. 

მოამზადეთ სოუსები. დაჭერით წინასწარ გამომცხვარი  და გაფცქვნილი ბულგარული წიწაკა კუბიკებად, შეწვით კარაქში ასევე კუბიკებად დაჭრილ პომიდორთან და ნიორთან ერთად, ცოტა ხნით მოთუშეთ  გემოს მისაღებად.   დემიგლასის სოუსი: მოათავსეთ ძვლები საცხობ ფირფიტაზე და გამოაცხვეთ 200°C-ზე დაახლოებით 40-60 წუთის განმავლობაში, ოქროსფერ-მოწითალო ქერქის მიღებამდე  —ეს ძვლებს მდიდარ გემოს და ფერს მისცემს. ძვლებს დაუმატეთ მსხვილად დაჭრილი ხახვი, სტაფილო და ნიახური და მსუბუქად შეწვით კიდევ 15-20 წუთის განმავლობაში. ბოლოს, შეურიეთ ტომატის პასტა.

ყველაფერი გადაიტანეთ დიდ ქვაბში, დაასხით წყალი და დაუმატეთ სანელებლები. მიიყვანეთ მსუბუქ ადუღებამდე და ხარშეთ მინიმალურ ცეცხლზე 6-8 საათის განმავლობაში (სასურველია უფრო დიდხანს). გადაწურეთ ბულიონი საწურში, მოაცილეთ ძვლები და ბოსტნეული. დააბრუნეთ სითხე ცეცხლზე, დაამატეთ ღვინო და ადუღეთ აორთქლებამდე, სანამ მოცულობა დაახლოებით 2–3 ჯერ არ შემცირდება — სოუსი სქელი და ნოყიერი  გახდება.   მწვანე ზეთი. გააცხელეთ მცენარეული ზეთი 60 გრადუსამდე, დაუმატეთ ოხრახუში, კამა, რეჰანი და რუკოლა და ათქვიფეთ ბლენდერში ერთგვაროვანი მასის მიღებამდე, შემდეგ გადაწურეთ დოლბანდის მეშვეობით.

ოვალურ თეფშზე მოათავსეთ ნაღების და ტომატის სოუსი, ზემოდან დააწყვეთ ტოლმა, მოასხით დემი-გლასის სოუსი და მორთეთ მწვანე კარაქითა და ოხრახუშით.