ტარტალეტი შებოლილი ზუთხით და დამარინადებული ბოლოკით

მოამზადეთ ცომი ტარტალეტების ასაწყობად. ამისათვის, ფილოს ცომის ფენა გაასწორეთ სამზარეულოს დაფაზე და წაუსვით წინასწარ გამდნარი კარაქი. გაიმეორეთ ეს პროცესი კიდევ 2-ჯერ.

7 სმ დიამეტრის ცომის საჭრელით ამოჭერით წრე და მოათავსეთ ტარტალეტის ფორმაში.

ცომს ზემოდან დააჭირეთ  სხვა საცხობი ფორმა და გამოაცხვეთ ღუმელში 160 გრადუსზე 6 წუთის განმავლობაში. შემდეგ, ფრთხილად ამოიღეთ მზა ტარტალეტები ფორმიდან და გააგრილეთ.

ამის შემდეგ მოამზადეთ ზუთხი: დაჭერით ფილე და დაამარინადეთ ნიორში, თიამში, მარილსა და პილპილში.

შებოლეთ ზუთხის ფილე არყის ხის ნაფოტზე, შემდეგ გაყავით თევზი 10 გრამიან პორციებად ტარტალეტებისთვის.

შემდეგ დაამარინადეთ ბოლოკი: კარგად გარეცხეთ, მოაშორეთ ფესვები და ფოჩები, დაჭერით ნაჭრებად, სწრაფად დააბლანშირეთ მდუღარე წყალში და მაშინვე გააგრილეთ ყინულით სავსე ღრმა თასში.

გაცივებული ბოლოკი დაჭერით პატარა კუბიკებად და მოასხით მომზადებული მარინადი.

ასევე  მოამზადეთ ყველა საჭირო ელემენტი მომავალი დეკორაციისთვის: თხლად დაჭერით ცოცხალი ბოლოკი, გამოაცალკევეთ კამის სეგმენტები და მოამზადეთ ნორის ზღვის წყალმცენარეების მშრალი მოსაყრელი.