• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

თაფლის ნამცხვარი კენკრით

გამარჯობა, მე მეგი ვარ, პროფესიით ჟურნალისტი, თუმცა არასოდეს მიმუშავია ჩემი პროფესიით. ბავშვობიდან მიტაცებდა კულინარია და საკონდიტრო სფერო.
პანდემიის დროს აღმოვაჩინე, რომ საკმაოდ კარგად და გემრიელად შემძლებია დესერტების მომზადება. იქიდან გამომდინარე, რომ სამი შვილის დედა ვარ, ყოველთვის მინდოდა ჩემს შვილებს სახლში გამომცხვარი და მომზადებული ტკბილეული მიერთვათ, ამიტომ გადავწყვიტე, უფრო ღრმად და საფუძვლიანად შემესწავლა საკონდიტრო სფერო, ასე აღმოვჩნდი საკონდიტრო სკოლაში სადაც ერთ თვიანი კურსი გავიარე. შემდეგ გაჩნდა იდეა, რომ შემექმნა ჩემი ინსტაგრამ გვერდი “megan__cookies__blog”-ი და სხვებისთვისაც გამეზიარებინა ჩემი მომზადებული დესერტების რეცეპტები. 
ჩემი მიზანი და სურვილია მქონდეს  საკუთარი პატარა საკონდიტრო, სადაც უამრავ გემრიელობას შევთავაზებ ტკბილეულის მოყვარულებს. 
 

თაფლის ნამცხვარი კენკრით

მომზადების დრო

60+ წუთი

სირთულე

საშუალო

კალორიები

250-500 კალორია

საჭმლის ტიპი

დესერტი

მეგი შონია

რეცეპტის ავტორი

მეგი შონია

თაფლის ნამცხვარი კენკრით

ინგრედიენტები

შაქარი

140 გრამი

კარაქი

100 გრამი

თაფლი (+1სუფრის კოვზი )

100 გრამი

ფქვილი

400 გრამი

თეთრი შოკოლადი

200 გრამი

ნაღები

400 გრამი

სოდა

5 გრამი

მარილი

2 გრამი

შავი მოცვი

100 გრამი

ჟოლო

300 გრამი

კვერცხი

2 ცალი

საფეხური

droplet

1

chef

ცომის მომზადებას ვიწყებთ კარამელით - 100 გ შაქარს ვყრით სქელძირიან ქვაბში და ვდგამთ ნელ ცეცხლზე, შაქარი რომ დაიწყებს დნობას ვურევთ. მიგვყავს კარამელიზაციამდე. პარალელურად ვადნობთ 100 გ კარაქს მეორე ჯამში. გამდნარი შაქარი გადმოვდგათ ცეცხლიდან და დავასხათ კარაქი.

საფეხური

droplet

2

chef
ბოლოს დავუმატოთ თაფლი, მოვურიოთ, რომ ერთგვაროვანი მასა მივიღოთ. მიღებული კარამელი გადაიტანეთ ჯამში და გააცივეთ, დაუმატეთ კვერცხი, კარგად მოურიეთ. ამასობაში ფქვილი გაცერით, დაუმატეთ სოდა, დაასხით კარამელის და კვერცხის მასა ფქვილს და მოზილეთ ცომი.

საფეხური

droplet

3

chef
გააბრტყელეთ და ამოჭერით სასურველ ფორმებად. გამოაცხვეთ 170 გრადუსზე 15-20 წუთი.

საფეხური

droplet

4

chef
თეთრი შოკოლადის განაშის მოსამზადებლად სქელძირიან ჯამში ჩაასხით 200 მლ ნაღები. კარგად შეათბეთ და დაასხით 200 გრამ თეთრ შოკოლადს, დააყოვნეთ, რომ შოკოლადი გადნეს, მოურიეთ, დაუმატეთ 1 სუფრის კოვზი თაფლი და ცივი 200 მლ ნაღები. ბოლოს კი ეს ყველაფერი ათქვიფეთ ხელის ბლენდერით.

საფეხური

droplet

5

chef
შედგით მაცივარში მთელი ღამით ან 12 საათით. მიღებული კრემი რომ დაისვენებს მაცივარში, ათქვიფეთ მიქსერით 7-8 წუთი, ისე რომ გამყარდეს (ზედმეტი არ მოგივიდეთ, თორემ გათხელდება ნაღები).

საფეხური

droplet

6

chef
ჟოლოს გულსართისთვის 200 გრამი ჟოლო დააბლენდერეთ, ჩაასხით სქელძირიან ქვაბში, დაუმატეთ 40 გ შაქარი და 15 გ სიმინდის სახამებელი.

საფეხური

droplet

7

chef
მოურიეთ და შემდეგ დადგით ცეცხლზე. ჟოლო კარგად რომ წამოდუღდება ნელ ცეცხლზე 10 წუთი ადუღეთ, რომ სიმინდის სახამებლის გემო გაქრეს. ჩაასხით ჯამში და გააცივეთ.

საფეხური

droplet

8

chef
ასაწყობად დაგჭირდებათ საკონდიტრო ტომარა, რომ კრემით გააფორმოთ ნამცხვარი, ცენტრში ყოველ ფენას გააყოლეთ ჟოლოს გულსართი. მორთეთ კენკრით. აწყობის შემდეგ გააცივეთ მაცივარში მინიმუმ ერთი საათით.

სერვირება

droplet

9

chef
გემრიელად მიირთვით!

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone