სულგუნის სალათი

 ცხელ წყალში კარგად გადავზილოთ წვრილად დაჭრილი სულგუნი და მივცეთ სასურველი ფორმა. 

ოდნავ შევაგრილოთ, გავაბრტყელოთ, გულში ჩავუდოთ პიტნის აჯიკა, მოვუკრათ თავი და ჩავდოთ თასში 0.100 გრამი ნაღების და 0.050 გრამი პიტნის ნაზავში. 

პიტნის აჯიკის მოსამზადებლად დავნაყოთ ყველაფერი ერთად: 0.100 გრამი პიტნა, 0.040 გრამი ოხრახუში, 0.030 გრამი ქინძი, ნიორი 0.010, მწვანე წიწაკა 0.050, მარილი გემოვნებით. სასურველი მასის მიღების შემდეგ, გავაზავოთ ზეთში საშუალო სისქის მიღებამდე. პომიდორს გავაცალოთ კანი და დავჭრათ რგოლებად. 

თეფშზე გადავიტანოთ პიტნის აჯიკა და დავაწყოთ დაჭრილი პომიდორი.  ამოყვანილი სულგუნი გადავიტანოთ თეფშზე და მოვასხათ ნაღების დარჩენილი მასა. 

 პომიდორს მოვაყაროთ მარილი, გასაფორმებლად გამოვიყენოთ ნიგოზი და ნედლი პიტნა.