სტეიკი “ო პუავრი”

“რამდენიმე წლის წინ, პროფესიით მხატვარ-დიზაინერმა გადავწყვიტე საქმიანობა შემეცვალა და ჩემი ჰობი, კულინარია პროფესიად მექცია… მივიღე კულინარიული განათლება. 2018 წელს გამიჩნდა იდეა და გავაკეთე სწრაფი კვების ობიექტი “სტეიკ სენდვიჩ ბარი”. მომხმარებელს ვთავაზობ სწრაფ, ჯანსაღ კვებას - გრილზე მომზადებული ხორცის თბილ სენდვიჩებს” - რუსა ჩოფიკაშვილი

მომზადების დრო

30-60 წთ

სირთულე

საშუალო

კალორიები

500+ კალორია

საჭმლის ტიპი

მთავარი კერძი

უხდება

ბორჯომის მინერალური წყალი

რეცეპტის ავტორი

რუსა ჩოფიკაშვილი

ინგრედიენტები

ულუფა :

საქონლის ანტრეკოტი

175 გრამი

კარტოფილი

150 გრამი

მწვანე ლობიო

100 გრამი

მოცარელა ან ფრანგული ყველი ტომ დუვერნი

50 გრამი

ნაღები

50 გრამი

კარაქი

25 გრამი

ხახვი

25 გრამი

ნიორი

10 გრამი

კონიაკი

25 მილილიტრი

ზეითუნის ზეთი

25 მილილიტრი

სურნელოვანი წიწაკა

2.5 გრამი

მარილი

0.5 მწიკვი

პილპილის მიქსი

0.5 მწიკვი

საფეხური

გახურებულ გრილზე მოვათავსოთ საქონლის ანტრეკოტი, ფუნჯით გადავუსვათ გამდნარი კარაქი (30 გ), დავაყაროთ მარილი, პილპილი, დაახლოებით 5 წუთში გადმოვაბრუნოთ და კვლავ წავუსვათ კარაქი, მარილი და პილპილი, როდესაც ხორცი ორივე მხრიდან მოიბრაწება, მოვათავსოთ ღუმელში დაახლოებით 10-15 წუთით 200 გრადუსზე.

საფეხური

ალიგოს მოსამზადებლად მოვხარშოთ კარტოფილი, დავუმატოთ კარაქი (20 გ), ნაღები, ნიორი და მოცარელა. ვაყოვნებთ ქურაზე და აქტიურად ვურევთ სანამ არ მივიღებთ ერთგვაროვან მასას, მარილი გემოვნებით.

საფეხური

გახურებლ ტაფაზე ვასხამთ ზეითუნის ზეთს, დახეხილ ნიორს ვაყრით მწვანე ლობიოს, მარილს და პილპილს გემოვნებით.

საფეხური

სოუსის მოსამზადებლად ვშუშავთ ხახვს, ვაყრით სურნელოვან წიწაკას, ვასხამთ კონიაკს, ვაცდით და შემდეგ ვუმატებთ ნაღებს და მარილს გემოვნებით.

სერვირება

სტეიკი დავჭრათ საშუალო ზომის ნაჭრებად, დავალაგოთ თეფშზე, ალიგოსთან და მწვანე ლობიოსთან ერთად, მოვასხათ სოუსი.

Comments