სოკოს ღვეზელი

სანამ ცომს ასვენებთ მოამზადეთ შიგთავსი: ხახვი ნიორი და ნიახური წვრილად დაჭერით და დაბალ ცეცხლზე მოშუშეთ. პარალელურად გარეცხილი და დაჭრილი კალმახა ცალკე, გახურებულ ტაფაში ჩაყარეთ, ცოტა ზეთთან ერთად და მოშუშეთ. წვენს რომ გამოუშვებს, დაუწიეთ ცეცხლს და აცადეთ სანამ დაიშრობს, შემდეგ დააყარეთ დაჭრილი ქამა და ცეცხლს ისევ აუწიეთ, 5 წუთის შემდეგ დაამატეთ მოშუშული ხახვი, დაასხით ღვინო და აცადეთ ალკოჰოლს ამოქროლვა.

შემდეგ დაამატეთ სოიოს ნაღები (თუ ტოფუ გიყვართ ბევრად გემრიელი გამოდის) და მიწისთხილი (სეზონზე შეგიძლიათ წაბლით ჩაანაცვლოთ), ლიმონის ცედრა და ცოტა წვენი, ასევე როზმარინის ტოტი, რომელსაც ამოიღებთ მომზადების დასრულების შემდეგ.შიგთავსი არ უნდა იყოს წვნიანი, ამიტომ ყველა სითხეს აცადეთ რომ ამოშრეს, გადადგით რომ შეგრილდეს.

ცომი გააბრტყელეთ და მიეცით სასურველი ფორმა, ჩააფინეთ საცხობ ჭურჭელში, ჩადეთ შეგრილებული შიგთავსი და დააფარეთ მეორე ფენა. გვერდები ლამაზად ამოუკეცეთ, ზემოდან დასერეთ ან დახვრიტეთ ცომი, რომ არ ამოიბეროს.

შედგით 180 გრადუსზე 20-25 წუთამდე (ცომი, რომ შეწითლდება მზადაა).

თუ თქვენი ფორმა ლამაზია შეგიძლიად ამითვე ჩადგათ სუფრაზე.