სიბასი (ქორჭილა) ჯონჯოლით და ისპანახით

მარინადიდან ამოღებულ თევზს დავფქვილავთ მხოლოდ კანის მხრიდან და შევწვავთ ბევრ ზეთში ტაფაზე, ისე რომ თევზი არ ამოვატრიალოთ. პარალელურად, ტაფაზე დაგროვებული ზეთი, კოვზით მოვასხათ თევზს, რომ ზემოდანაც შეიწვას.

პარალელურად, ფინჯანში ჩავასხაღ 2 სუფრის კოვზი ძმარი, 2 ჩაის კოვზი მდოგვი და დავიწყოთ მორევა სათქვეფით, ნელ-ნელა დავამატოთ 100 მლ. კახური ზეთი და სტაბილურად ვურიოთ. რაც უფრო მეტ ზეთს დავამატებთ, მით უფრო სქელი გამოვა მაიონეზი. ბოლოს დავამატოთ ერთი მწიკვი მარილი და ამოვურიოთ. მიღებული მაიონეზი დავამატოთ ჯონჯოლს. ზოგადად 100 მლ. ყოფნის 500 გრ. ჯონჯოლს.

მესამე კომპონენტი არის ისპანახი, რომელიც უნდა მოვწალოთ 2 წუთით, გავაციოთ ცივ წყალში და გავწუროთ. შემდეგ დავკეპოთ, დავამატოთ 20 მლ. კახური ზეთი, 5-7 გრამი მშრალი ქინძი და 40 გრამი წვრილ კუბებად დაჭრილი ხახვი.

სერვირებისთვის, მოვათავსოთ ჯონჯოლი და ისპანახი თეფშზე, ზემოდან დავადოთ თევზი, მოვასხათ დარჩენილი მაიონეზი და რამდენიმე წვეთი ლიმონის წვენი.