საშობაო ღვეზელი

ჯამში მოვათავსებთ ფქვილს, საფუარს, შაქარს - ავურევთ, დავასხამთ ნელთბილ რძეს და ზეთს, მოვზელთ ცომს ხელით ან სადგამი მიქსერით, კაუჭა საცმით. ბოლოს ვაყრით მარილს, ცომი უნდა გამოვიდეს ელასტიკური და რბილი.

ვაფარებთ ჰერმეტულად პარკს და ვდებთ თბილ ადგილას ასაფუებლად.
მოვხარშავთ 2 კვერცხს 15 წუთის განმავლობაში, გადავავლებთ ცივ წყალს, ადვილად რომ გაიფცქვნას.
მსხვილ სახეხზე გავხეხავთ ყველს,იმერულის და სულგუნის ნაზავი სასურველია, პროპორცია 70/30.

როდესაც ცომის მოცულობა გაორმაგდება, გადმოვიტანთ ფქვილმოყრილ ზედაპირზე და გადავზელთ, გავაკეთებთ ორ გუნდას, შევფუთავთ და დავასვენებთ 10 წუთი.
გავაცხელებთ ღუმელს 200 გრადუსზე.

1 კვერცხის გულს და ცილას გავაცალკევებთ, ცილას შევურევთ გახეხილ ყველს, ხოლო გულს დავუმატებთ 1 სკ რძეს და გამოვიყენებთ ღვეზელებზე გადასასმელად.

ცომს გავაბრტყელებთ, გადავიტანთ ყველის 1/ნახევარს, დავდებთ 1 გაჭრილ კვერცხს და კარგად შევაერთებთ კიდეებს, გადავუსვამთ კვერცხის გულს და გამოვაცხობთ პერგამენტ დაფენილ საცხობ ფირფიტაზე 30-35 წუთი ან ვიდრე ოქროსფერი არ გახდება.