• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

სამი რძის დესერტი

მე ვარ ნიკი, ციფრული მარკეტინგის სპეციალისტი, მძიმე მუსიკის, ფანტასტიკის ჟანრის და გემრიელად ჭამის მოყვარული ^_^ სწორედ ამ უკანასკნელმა განაპირობა ჩემი კულინარიისადმი ინტერესი. პროფესიონალი კულინარი არასდროს ვყოფილვარ, მაგრამ ვარ გემოებზე მონადირე - როცა რაღაც გემრიელს დავაგემოვნებ, იქნება ეს დესერტი, თუ ძირითადი კერძი, რამდენიმე ექსპერიმენტის და მომზადების მცდელობის შემდეგ აუცილებლად ვსვამ ჩემს საყვარელ გემოებს.
სამი რძის დესერტი (ესპანურად Tres Leches, ან Torta De Tres Leches) მზადდება სამი სახის რძისგან: შესქელებული რძე, მოხარშული შესქელებული რძე და კონცენტრირებული რძე შაქრის გარეშე. ამ დესერტის სამშობლოდ ლათინური ამერიკა ითვლება, თუმცა არსებობს რამდენიმე ევროპული დესერტი, რომელიც იგივე პრინციპით მზადდება (მაგ. იტალიური ტირამისუ). ეს დესერტი პირველად მივლინებაში გავსინჯე, უგონოდ შემიყვარდა და დავიწყე გუგლში მოძიება, საბოლოოდ კი მოვახდინე რამდენიმე რეცეპტის მოდიფიკაცია და მივიღე საყვარელი გემო, რომელიც მინდა რომ გაგიზიაროთ, რადგან დარწმუნებული ვარ, თქვენც მოგეწონებათ.
 

სამი რძის დესერტი

მომზადების დრო

60+ წუთი

სირთულე

საშუალო

კალორიები

250-500 კალორია

საჭმლის ტიპი

დესერტი

ბორჯომის ლიმონათი მსხალი
ბორჯომის ლიმონათი მსხალი

უხდება

ბორჯომის ლიმონათი მსხალი

ნიკი აბაიშვილი

რეცეპტის ავტორი

ნიკი აბაიშვილი

სამი რძის დესერტი

ინგრედიენტები

ფქვილი

80 გრამი

კვერცხი

4 ცალი

შაქარი

90 გრამი

შესქელებული რძე

250 მილილიტრი

მოხარშული შესქელებული რძე

250 მილილიტრი

კონცენტრირებული რძე ან ნაკლებცხიმიანი ნაღები (არაუმეტეს 10%)

100 მილილიტრი

მაღალპროცენტიანი ნაღები (26%+)

150 მილილიტრი

შაქრის პუდრი

100 გრამი

მასკარპონე

250 გრამი

საფეხური

droplet

1

chef

დესერტისთვის შეგიძლიათ გამოიყენოთ თქვენი საყვარელი ტორტის ბისკვიტის რეცეპტი ან მიჰყვეთ ინსტრუქციას. ბისკვიტისთვის დაგჭირდებათ 80გრ ფქვილი, 90 გ შაქარი, 4 ცალი კვერცხი, ნახევარი ჩ/კ ვანილი და მწიკვი მარილი. ამ რაოდენობებით გამოდის დაახლოებით 10-12 პორცია დესერტი, გააჩნია რა ზომის ჭურჭელს გამოიყენებთ.

საფეხური

droplet

2

chef
თავდაპირველად განაცალკევეთ კვერცხის გული ცილისგან. ცალკე ათქვიფეთ გული ნახევარ პორცია შაქართან (45გ) სანამ არ მიიღებთ ფუმფულა, სქელ და ღია ფერის კონსისტენციას და ცალკე ცილა მწიკვ მარილთან და შემდეგ შეურიეთ დარჩენილი შაქარი. შემდეგ შეურიეთ ორი მასა ერთმანეთს, დააცერით ფქვილი და ფრთხილად გადაურიეთ, სანამ არ მიიღებთ ჰაეროვან, მსუბუქ ცომს. ცომი შეგიძლიათ გამოაცხოთ წინასწარ გაცხელებულ ღუმელში 30 წუთით 200 გრადუსზე. რაც შეეხება ფორმას, შეგიძლიათ გამოიყენოთ ნებისმიერი ფორმა, ან უბრალოდ დაასხათ პერგამენტ-დაფენილ ლანგარზე.

საფეხური

droplet

3

chef
გამომცხვარი ბისკვიტი შეაგრილეთ, შემდეგ კი დაჭერით სასურველი ზომის ნაჭრებად და დაჩხვლიტეთ ჩანგლით. დასანამის მოსამზადებლად დაგჭირდებათ შესქელებული რძე, მოხარშული შესქელებული რძე და კონცენტრირებული, უშაქრო რძე. თუ ამ უკანასკნელს ვერ იშოვით, შეგიძლიათ ჩაანაცვლოთ ნაკლებცხიმიანი ნაღებით (არაუმეტეს 10%). რჩევა: ეცადეთ რომ შეიძინოთ მაღალი ხარისხის შესქელებული რძე, რადგან მისი ხარისხი და გემო მნიშვნელოვნად განაპირობებს თავად დესერტის გემოს. გადაურიეთ ერთმანეთში ორივე შესქელებული რძე, სანამ მასა არ გახდება ერთგვაროვანი, შემდეგ კი დაამატეთ კონცენტრირებული რძე ან ნაღები და კიდევ ერთხელ მოურიეთ. დესერტის კრემისთვის ათქვიფეთ მაღალპროცენტიანი ნაღები მწიკვ მარილთან ერთად. როდესაც მასა შესქელდება და გაიზრდება მოცულობაში, შეათქვიფეთ მასკარპონე და შაქრის პუდრი.

საფეხური

droplet

4

chef
დესერტის აწყობა: შეგიძლიათ გამოიყენოთ როგორც პატარა შუშის ჭიქები/ჯამები ან ქილები, ასევე შუშის დიდი ზომის ღრმა ლანგარი. პირველ რიგში მოასხით ძირზე დასანამი, შემდეგ ჩააწყვეტ დაჭრილი ბისკვიტი და თავზე ისევ მოასხით დასანამი, ისე რომ კარგად ჩაიძიროს მასში. ჭურჭლის ზომიდან გამომდინარე შეგიძლიათ გააკეთთ ასეთი 2 ან 3 ფენა, შემდეგ კი დაასრულეთ თეთრი ნაღების კრემით და მოათავსეთ მაცივარში რამდენიმე საათით ან მთელი ღამით.

სერვირება

droplet

5

chef
გემრიელად მიირთვით!

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone