საახალწლო ტარტი გოგრის კურდით

კარაქი და მარილი ათქვიფეთ, ვიდრე კრემისებრ მასას არ მიიღებთ. 

დაამატეთ შაქარი, ნუშის ფქვილი და  სიმინდის სახამებელი. შეურიეთ კვერცხი, დაამატეთ ფქვილი და გადაზილეთ სამუშაო ზედაპირზე. 
კარგად გადაზელილი ცომი დაასვენეთ 1 საათით მაცივარში. 

გაიყვანეთ ცომი და ჩააფინეთ ფორმაში. ვაცხობთ 170 გრადუსზე 15 წუათის განმავლობაში. 

დაჭრილი გოგრა გამოაცხვეთ ღუმელში 180 გრადუსზე 50 წუთი. ამოიღეთ გოგრის რბილობი, გადაურიეთ ფორთოხლის წვენი.

ჟელატინი დაალბეთ ცივ წყალში, რომ გააქტიურდეს. კვერცხი მსუბუქად ათქვიფეთ ცალკე ჯამში.

პატარა ქვაბში ჩაყარეთ შაქარი და გოგრის პიურე, წამოადუღეთ,   შაქარი უნდა გაიხსნას ბოლომდე, შემდეგ ამ მასას დაასხამთ კვერცხს და ურევთ ინტენსიურად, ისევ დადგით და მიიყვანეთ ადუღებამდე.  

დაუმატეთ კარაქი და გაწურული ჟელატინი, მოურიეთ ხელის ბლენდერით, სანამ გლუვი მასა არ გახდება. 

გოგრის კურდი ჩაასხით უკვე გამომცხვარ ფხვიერი ცომის ტარტში და გააცივეთ მაცივარში 40 წთ.

იტალიური მერინგი :

შაქარი და წყალი გადაურიეთ და ნარევი დაბალ ტემპერატურაზე გააცხელეთ.  როცა სიროპი მიაღწევს 114 გრადუსს, დაიწყეთ კვერცხის ცილების ათქვეფა მაქსიმალურ სიჩქარეზე. 

121 გრადუსზე აიყვანეთ სიროფი და გადმოდგით, დაელოდეთ ვიდრე ბუშტუკები გაქრება. ცილების თქვეფის დროს სიროფი ნელ ნელა წვრილ ნაკადად დაამატეთ ცილაში. 

ათქვიფეთ მერინგი მანამ, სანამ არ გაცივდება. გადაიტანეთ საკონდიტრო ტომარაში და მორთეთ ტარტი. 

მობრაწეთ მსუბუქად,  თავზე მოაყარეთ ნუშის ქრამბლი.