რავიოლი სტრაჩატელათი და ხიზილალით

ღრმა ჯამში შეურიეთ ფქვილი, კვერცხის გული და მარილი. მოზილეთ მაგარი ცომი გლუვ, ელასტიურ ტექსტურამდე. შეახვიეთ აპკში და დაასვენეთ 20 წუთით.  

გააბრტყელეთ ცომი გრძელ, თხელ ფენამდე. ერთ მხარეს მცირე პორციებად მოათავსეთ შიგთავსი სტრაჩატელათი, გახეხილი ყველით, კარაქითა და მარილით. 

შიგთავსს შორის  კუთხეებში წაუსვით კვერცხის გული, გადააფარეთ ცომის მეორე ნაწილით და მსუბუქად დააჭირეთ. დაამზადეთ რავიოლი სპეციალური ფორმის ან დანის საშუალებით. 

მოხარშეთ რავიოლი ადუღებულ მარილიან წყალში 3 წუთის განმავლობაში. ფრთხილად ამოიღეთ ქაფქირით. 

ტაფაზე გაადნეთ ნაღების კარაქი (25 გ), დაუმატეთ ბოსტნეულის ბულიონი (50 გ) და მიიყვანეთ მსუბუქ შესქელებამდე.

მოათავსეთ რავიოლი თეფშზე და მოასხით სოუსი.
ზემოდან მორთეთ წითელი ხიზილალით (20 გ), ახალი მწვანე ბარდით (5 გ) და ბაზილიკის ფოთლებით (5 ცალი).