რატატუი

მოიმარაგეთ სასურველი ბოსტნეული- პომიდორი, ყაბაყი, ბადრიჯანი და ხახვი. 

ბოსტნეული დაჭერით ერთი სისქის, მრგვალ ნაჭრებად, რათა თანაბრად შეიწვას და ვიზუალურადაც ლამაზი გამოჩნდეს, ფენებად დალაგებისას.

მოვამზადოთ სოუსი

• წვრილად დაჭერით წითელი ხახვი, ნიახურის ღერო და ნიორი
• საშუალო ცეცხლზე გააცხელეთ  ზეითუნის რაფინირებული ზეთი, დაუმატეთ დაჭრილი ხახვი, ნიახური და ნიორი. მოშუშეთ, სანამ ხახვი გამჭვირვალე არ გახდება და არ დარბილდება.

• დაუმატეთ შუაზე გაჭრილი ჩერი პომიდვრები და მოშუშეთ კიდევ რამდენიმე წუთით, სანამ პომიდორი დაშლას არ დაიწყებს.

• დაამატეთ კანგაცლილი პომიდორი, ასევე შაქარი, მარილი, პილპილი, როზმარინი და ტიმიანი. მოურიეთ და ნელ ცეცხლზე შუშეთ, 15–20 წუთის განმავლობაში, სანამ მასა ოდნავ არ შესქელდება.

• ბოლოს, დაუმატეთ ნედლი ბაზილიკი. სურვილისამებრ, უფრო გლუვი ტექსტურისთვის,  შეგიძლიათ სოუსი დააბლენდეროთ

სოუსი მოასხით ფენებად ჩაწყობილ ბოსტნეულს და გამოაცხვეთ მზაობამდე.

სერვირებისთვის მოაყარეთ წვრილად დაჭრილი ოხრახუში