პიცა სალიამით

პომიდორი გარეცხეთ და ჩაყარეთ 5 წუთით მდუღარე (ასე ადვილად გააძრობთ კანს). უკანო პომიდორები გაატარეთ ხორცსაკეპში და დაადგით ქვაბით საშუალო ცეცხლზე. ადუღეთ 30 წუთი, სანამ არ შესქელდება. გააგრილეთ, დაუმატეთ ბაზილიკი, მარილი, პილპილი და 1 კბილი გახეხილი ნიორი. პიცის სოუსი მზად არის. ყველი გახეხეთ, სალიამი დაჭერით თხელ ნაჭრებად.

მე გადავწყვიტე ფუმფულა და სქელი პიცა გავაკეთო, როგორიც უყვართ ჩემს ბავშვებს, თუმცა იგივე ცომისაგან შეგიძლიათ გააკეთოთ თხელი პიცა, უბრალოდ ცომის აფუებულ გუნდას 2-ის ნაცვლად, მაგალითად გაყოფთ 3 ნაწილად. ეს უკვე თქვენი გადასაწყვეტია, გააჩნია რა დიამეტრის საცხობი ფორმა გაქვთ სახლში. მე მიღებული ცომი ორ ნაწილად გავყავი. გავაბრტყელე საცხობი ფორმის დიამეტრზე. წავუსვი პიცის სოუსი, შემდეგ ყველი და სალიამი. წინასწარ გახურებულ ჭუმელში პიცას 240 გრადუსზე ვაცხობ 10 წთ.-ის განმავლობაში. მზაობას ადვილად შეამჩნევთ, ყველი დნება და ჰაერის ბუშტებს წარმოქმნის ზედაპირზე, ცომს კი ფერი ეცვლება.

მზა პიცას შეგიძლიათ დაამატოთ ხმელი ბაზილიკი. მიირთვით გემრიელად.