პასტა თხილით და კარაქით

გააცხელეთ ღუმელი 200 გრადუსზე. ღუმელში გამოაშრეთ თხილი 10 წუთი, გააგრილეთ, გაფცქვენით და დაატრიალეთ ჩოპერში რამდენიმე წამით, ან დაჭერით მსხვილ ნაჭრებად. აადუღეთ წყალი პასტის მოსახარშად. დაჭერით ხახვი, ნიორი, ოხრახუში. გახეხეთ ლიმონი და პარმეზანი.

მოზრდილი ტაფა გაცხელეთ, დაყარეთ თხილი და მოხალეთ მშრალად, სანამ არ შეწითლდება. დაუმატეთ კარაქი, პილპილი, მარილი, ხახვი და ნიორი, დაბალ ცეცხლზე დატოვეთ 5-7 წუთი, პერიოდულად მოურიეთ. პარალელურად მარილწყალში მოხარშეთ სპაგეტი, შეფუთვაზე დატანილი დროის მიხედვით.

როდესაც პასტა მოიხარშება, ტაფაზე კარაქიან მასას დაუმატეთ დაჭრილი ოხრახუშის ნახევარი, ცედრა და პარმეზანის 1/2, დაასხით 2 ჩამჩა პასტის წყალი, წამოადუღეთ და დაამატეთ მოხარშული სპაგეტი, კარგად აურიეთ, თუ მშრალი გეჩვენებათ, დაამატეთ კიდევ 1 ჩამჩა.