პანუოცო მორტადელათი და ფსტით

"ბიგა" – მომზადებული საფუვრიანი ცომი, რომელიც გამოიყენება პურისა და პიცის ცომის მოსაზელად.
იგი წარმოადგენს მშრალ, დაბალი ჰიდრატაციის მქონე ცომს (ჩვეულებრივ 45-60% წყლით), რომელიც ფერმენტირდება 12-48 საათის განმავლობაში, ქმნის არომატს, სტრუქტურას და აუმჯობესებს საბოლოო პროდუქტის სარგებლიანობას ორგანიზმისთვის.
ბიგას მოსამზადებლად წყალში ვხსნით საფუარს, ვყრით ფქვილს და ავურევთ ხელით, ვათავსებთ მაცივარში 24 საათით.

ცომის მოსამზადებლად ვურევთ ბიგას მთლიანად და წყალს, ვურევთ, ვამატებთ ფქვილს, როდესაც შეერევა შემდეგ მარილს, ბოლოს საფუარს. ვზელთ, სანამ ცომი ელასტიკური და წელვადი არ გახდება, ცომის ტემპერატურა არ უნდა გაცდეს 24 გრადუსს. ვაჩერებთ ოთახის ტემპერატურაზე 1 საათი, შემდეგ ვაგუნდავებთ და ვინახავთ მაცივარში 24 საათით.

ცომს ვაბრტყელებთ თანაბრად, მაქსიმალურად თხლად და ვუსვამთ გულში ზეითუნის ზეთს, რათა არ მიეწებოს ცომი ცხობისას. 

ცომს გადავკეცავთ და ვათავსებთ ღუმელში 260 გრადუსზე 8-10 წუთის განმავლობაში (სახლის პირობებში) 

გამომცხვარ პანუოცოში ვათავსებთ ჩვენთვის სასურველ შიგთავსს, ამჯერად კრემ-ყველით, ფსტით და მორტადელათი ვასრულებთ ჩვენს სენდვიჩს, ასევე ძალიან უხდება რუკოლა.

სურვილისამებრ შეგვიძლია დავამატოთ პესტო ან ბალზამიკოს ძმარი. გემრიელად მიირთვით!