ორაგულის სტეიკი ისპანახით, გამომცხვარი სტაფილოთი და ციტრუსის სოუსით

დღეს მოგიმზადებთ ორაგულის სტეიკს ბლანშირებული და შემდეგ მობრაწული ისპანახით, გამომცხვარი სტაფილოთი, კაპერსის და ციტრუსის სოუსით.
ხახვს და ნიორს ვბრაწავთ კარაქში, ვამატებთ კაპერს, ლაიმის ცედრას, შემდეგ ვასხამთ ფორთოხლის ფრეშს და ვამატებთ დაღერღილ წიწაკას და ყავისფერ შაქარს. 

ვასქელებთ სიმინდის სახამებლით.

როზმარინში დამარინადებულ სტაფილოს ვბრაწავთ მაღალ ცეცხლზე და მოგვყავს ღუმელში, მზადყოფნამდე.

ორაგულს ვასხამთ ნივრის ზეთს და ვაზელთ მარილს. გრილზე მოგვყავს. არ უნდა იყოს გადაბრაწული, უნდა იყოს ნახევრად მოყვანილი, რადგან ორაგული არ გამოგვიშრეს.   
ვადგამთ წყალს ისპანახის ბლანშირებისთვის და მოწალული ისპანახი გადაგვაქვს კარაქში და ნიორში. მოგვყავს ასევე ნივრის ზეთი და მარილი.

გადმოგვაქვს თეფშზე, ვაფორმებთ გრეიპფრუტის სეგმენტებით და ზემოთ ჩამოთვლილი ინგრედიენტებით.
გემრიელად!