მწვანე ლობიოს დიფი ქეშიუს ბაჟეს სოუსით

ბლანშირებული მწვანე ლობიო დავჭრათ პატარა ნაჭრებად, დავუმატოთ უკვე შეზავებული გურული აჯიკა და გადავურიოთ ერთმანეთში.

ეს მასა მოვათავსოთ თეფშზე, გარშემო მოვასხათ ქეშიუს ბაჟე, რომელიც ქოქოსის რძის ბაზაზე გვაქვს დაბლენდერებული.

გავაფორმოთ რუკოლას და გამომშრალი ჩერი პომიდვრის სალათით.

მოვაყაროთ მოხალული ქეშიუ და მოვასხათ შებოლილი პაპრიკის ზეთი, მივირთვათ მჭადის ჩიფსებით.

გემრიელად მიირთვით.