ხორციანი აჩმა

ეს ხორციანი აჩმაა, არ არის ლაზანია. არ მაინტერესებს ვინ რას მეტყვის. შეზავებულია ქართული არომატებით, ცომი აჩმისაა, გემოც ქართულია.

მომზადების დრო

60+ წუთი

სირთულე

საშუალო

კალორიები

500+ კალორია

საჭმლის ტიპი

მთავარი კერძი

უხდება

ბორჯომის მინერალური წყალი

რეცეპტის ავტორი

ლუკა ნაჭყებია

ინგრედიენტები

ფქვილი

500 გრამი

კარაქი

400 გრამი

კვერცხი

3 ცალი

მაწონი

300 მილილიტრი

პომიდორი

500 გრამი

საქონლის ფარში

1.2 კილოგრამი

ქინძი

35 გრამი

უცხო სუნელი

40 გრამი

ხმელი ქინძი

40 გრამი

ნიორი

10 გრამი

წითელი დაღერღილი წიწაკა

50 გრამი

წითელი ბულგარული წიწაკა

500 გრამი

საფეხური

პირველ რიგში ვაკეთებთ ცომს. ვიღებთ ფქვილს, ვამატებთ 3 კვერცხს და 200 გრამ მაწონს. ვზელთ კარგად, რომ მივიღოთ რბილი ხინკლის ცომის სიმკვრივის მაგვარი მასა. საჭიროების შემთხვევაში შეგიძლიათ დაამატოთ ცოტა წყალი. მოზელილი ცომი გააბრტყელოთ საგლინველით, დავჭრათ სასურველ ფორმაზე, და მოვხარშოთ. გავაგრილოთ ცივ წყალში და დავალაგოთ ისე, რომ ერთმანეთს არ მიეწებოს.

საფეხური

პარალელურად, გარეცხილი წითელი ბულგარული წიწაკა, გაფცქვნილი ნიორი, ცხარე წითელი წიწაკა, პომიდორი, ქინძის სუნელი და უცხო სუნელი მოვათავსოთ ბლენდერში, დავამატოთ 1-2 მწიკვი მარილი და დავაბლენდეროთ, რომ მივიღოთ აჯიკა.

საფეხური

ტაფაზე დავასხათ ზეთი, კარგად გავაცხელოთ და მოვთუშოთ ფარში. ფარში რომ გაღიავდება და მოითუშება, დავამატოთ აჯიკა, კარგად ამოვურიოთ, დავაყაროთ წვრილად დაჭრილი ქინძი და გავაგრილოთ.

საფეხური

აჩმის ასაწყობად, ავიღოთ საცხობი ფორმა, ან ნებისმიერი რამე რაშიც შეძლებთ გულსართის და ცომის ჩადებას. დავადნოთ კარაქი, ჩავაფინოთ ცომი ფორმაში, 1-2 ფენა, შემდეგ წავუსვათ გამღვალი კარაქი და ჩავდოთ ერთი ფენა ხორცი, გადავაფაროთ ცომი, წავუსვათ კარაქი, და გავიმეორეთ ეს პროცესი რამდენჯერაც გინდათ.

სერვირება

აწყობილი აჩმა გამოაცხეთ 180 გრადუსზე 25 წუთის განმავლობაში.

Comments