ქათმის სალათა კუსკუსით და გურული აჯიკის კრემით

ქათმის ფილეს მარინადის მომზადების წესი: ყველა ინგრედიენტი ავურიოთ და გავხსნათ ერთმანეთში, ჩავაწყოთ ქათმის ფილე მარინადში. დავაყოვნოთ 2-3 საათი.

კიმჩის საკმაზის მომზადების წესი: ვაბლენდერებთ ხელის ბლენდერით და მზესუმზირას ზეთით ვაკეთებთ ემულსიას.

მწვანე ზეთის მომზადების წესი: ვაბლენდერებთ 7-8 წუთის განმავლობაში და ორმაგი დაწურვის შემდეგ ვაყოვნებთ ყინულის აბაზანაზე.
გურული აჯიკის ინგრენდიენტები გავატაროთ მანქანაში და ხელის დახმარებით კარგად შევკმაზოთ.
გურული აჯიკის კრემის მომზადების წესი: ვაბლენდერებთ ყველაფერს და ბოლოს ვუმატებთ ზეთს. ისევ ვაბლენდერებთ 10-15 წამის განმავლობაში. 

კუსკუსის გარნირის მომზადება: 
ადუღებულ წყალში გავხსნით 10 გ. კურკუმას და დავუმატებთ კუსკუსს, იმავე სითხის რაოდენობას, რამდენი კუსკუსი გვაქვს და დავაყოვნებთ მანამ, სანამ ბოლომდე არ შეიწოვს სითხეს. როდესაც მივიღებთ სასურველ შედეგს, დავუმატებთ წვრილად დაჭრილ ოხრახუშს, პიტნას და კიმჩის საკმაზს.

დამარინადებულ ქათამს ამოვიღებთ სითხიდან და გავამშრალებთ, მოვბრაწავთ ორივე მხრიდან 2-2 წუთით და გამოვაცხობთ ღუმელში 180 გრადუსზე 7-8 წუთის განმავლობაში, რომ ქათამი შიგნიდან დარჩეს ტენიანი. დავჭრით თხელ ნაჭრებად და ზემოდან მოვასხამთ კიმჩის საკმაზს.

თეფშზე გადმოვიტანთ კუსკუსის გარნირს და გავშლით თეფშის შუაგულში, ზემოდან მოვაწყობთ ერთი მიმართულებით ქათმის ნაჭრებს, ჩერი პომიდვრის ნაჭრებს, მწვანე ემულსიას, ოხრახუშის და კამის ფოთლებს და გარშემო მოვასხამთ გურული აჯიკის კრემს, მწვანე ზეთთან ერთად.