გოგრის ლაზანია

შაშკვლავის პესტო: ბლენდერში მოვათავსოთ ნიორი, ისპანახი, შაშკვლავი, კაკალი და გახეხილი კალტი. კარგად დავაბლენდეროთ და გადავდოთ გვერდზე.

ბეშამელისთვის: კარაქი გავალღვოთ დაბალ ცეცხლზე და დავუმატოთ ფქვილი, როდესაც მასა შეიკვრება, ნელნელა დავამატოთ რძე 30-30 მლ. შემდეგი პორცია დავამატოთ მას შემდეგ, რაც წინა კარგად გაიხსნება. როდესაც მთელ რძეს გამოვიყენებთ და ერთიან მასას მივიღებთ, გადმოვგათ დავამატოთ მუსკატის კაკალი და გახეხილი ყველი. მოვურიოთ რომ ყველი გალღვეს.

დავიწყოთ აწყობა: ძირზე ცოტა ბეშამელი წავუსვათ, დავაწყოთ პირველი ფენა ლაზანიას ფირფიტების (რომელიც არ საჭიროებს წინასწარ მომზადებას) დავადოთ გოგრა, მოვასხათ ცოტა ბეშამელი, ისევ ლაზანიას ფირფიტები, შემდეგ პესტო, ისევ ფირფიტები, ზემოდან სოუსი და დარჩენილი ყველი.

ფორმას ზემოდან ფოლგა გადავაკრათ და შევდგათ ღუმელში 190 გრადუსზე. 25-30 წუთის შემდეგ მოვხსნათ ფოლგა და ზემოდან დავბრაწოთ 5-10 წუთი. გადმოღებიდან 10 წუთი დაასვენეთ, რომ დაჭრა არ გაგიჭირდეთ.

მიირთვით სანამ ცხელია.