გამომცხვარი მიდიები ტარხუნით

შიგთავსის მოსამზადებლად დაგვჭირდება კარაქი, საფანელი, ნიორი, მარილი და ცოტა ლიმონის ცედრა - არომატისთვის. გადავურიოთ ყველა ინგრედიენტი და მოვათავსოთ ნიჟარებში მიდიებთან ერთად. შევდგათ 150 გრადუსზე გახურებულ ღუმელში და ხშირად შევხედოთ ხოლმე. კარაქი რომ გადნება და დუღილს დაიწყებს შეგიძლიათ უკვე პარმეზანი მოაყაროთ და კიდევ 1 წუთით შეაბრუნოთ ღუმელში, სანამ პარმეზანიც არ დადნება - ესეც თქვენი სურვილისამებრ. მთლიანად გამოცხობის პროცესს 10 -12 წუთი ჭირდება.

პარალელურად, წამოვადუღოთ ნაღები, დავუმატოთ 1 კბილი გახეხილი ნიორი, ყველა მწვანილი და გადმოვდგათ ცეცხლიდან. დავაბლენდეროთ, სანამ ერთიანი, ლამაზი სალათისფერი შეფერილობის მასას არ მივიღებთ, შევაზავოთ მარილით და მზადაა. (რაც შეეხება ინგრედიენტებს, ამ შემთხვევაშიც თავისუფლები ხართ არჩევანში, შეგიძლიათ მწვანილი თქვენი სურილისამებრ დაამატოთ ან მოაკლოთ თუკი რომელიმე არ მოგწონთ).

სერვირებისთვის შეგიძლიათ გამოიყენოთ მუქი ფერის დიდი ზომის თეფში, დაყაროთ მასზე ქვამარილი და დააწყოთ მიდიები სასურველი თანმიმდევრობით. სოუსი შეგიძლიათ უშუალოდ მიდიებს მოასხათ ან ცალკე მიიტანოთ სუფრასთან.