ფუგასი - პროვანსული პური

ჯამში აურიეთ ფქვილი, საფუარი და მარილი, ფქვილში გააკეთეთ ღრმული, ჩაასხით წყალი და 2 ს.კ ზეთი.
მოზილეთ ცომი. ცომის გუნდა უნდა გახდეს ელასტიკური და ხელზე არ უნდა გეკრობოდეთ, დაასხით 1 ს კ ზეთი, კარგად გადაანაწილეთ მთელ ზედაპირზე, დააფარეთ ნაჭერი და დადგით თბილ ადგილას ასაფუებლად 1-2 საათი.

ხახვი დაჭერით წვრილად და შეაწითლეთ 1 ს.კ ზეთში, დაუმატეთ 2 გრ როზმარინი.
აფუებული ცომი გააბრტყელეთ ხელით, დაიხმარეთ ფქვილი, ჩადეთ გულში მოთუშული ხახვი და კარგად გადაზილეთ.
მიეცით ოვალური ფორმა, იმუშავეთ თითებით, საბრტყელებელს ნუ გამოიყენებთ.

ცომი გადაიტანეთ საცხობ ფირფიტაზე, რომელსაც წინასწარ მოაყრით ფქვილს ან დააფენთ საცხობ ქაღალდს.
გადააფარეთ ნაჭერი და დატოვეთ 20-30 წუთით.

გააცხელეთ ღუმელი 200 გრადუსზე. ცომს დაასხით 1 ს.კ ზეთი და თითებით ჩაჭყლიტეთ ალაგ-ალაგ, მოაყარეთ ზღვის მარილი და როზმარინი, შეგიძლიათ ჩაჭრათ დანით და მისცეთ სასურველი ფორმა.
გამოაცხვეთ 20-30 წუთი.

მიირთვით თბილი.