ბრიოში მანდარინის სოუსით და ბაზილიკის ზეთის ნაყინით

მანდარინის  სოუსის მომზადება: ვხარშავთ მანდარინის კანს ცოტაოდენ წყალში. 

ვადუღებთ, ვამატებთ მანდარინის წვენს და ვაბლენდერებთ. შემდეგ ვცრით ამ მასას, ვაბრუნებთ ქვაბში, ვამატებთ შაქარს.

 მიგვყავს წამოდუღებამდე კიდევ ერთხელ და ვამატებთ ცოტა წყალში გახსნილ სიმინდის სახამებელს, ვადუღებთ რამდენიმე წუთი. ვინახავთ მაცივარში გამოყენებამდე.

ცომის მომზადება: ყველა ინგრედიენტს ვათავსებთ თასში, ვზელთ 8 წუთი რომ გაერთიანდეს მასა. 
შემდეგ ვამატებთ კარაქის კუბებს და ვზელთ იქამდე, სანამ ცომი არ გახდება ელასტიკური, პრიალა და ერთგვაროვანი.

1 საათი ვაჩერებთ შეფუთულ მდგომარეობაში რომ ზომა გაორმაგდეს და შემდეგ გადაგვაქვს მაცივარში, ვაყოვნებთ მთელი ღამე. გამოყენების წინ გამოვიღოთ მაცივრიდან, დავჭრათ სასურველ ზომებად და დავტოვოთ ოთახის ტემპერატურაზე, რომ ცომი კიდევ გაორმაგდეს ზომაში. შემდეგ, კი ვწვავთ 180 გრადუსზე გახურებულ ზეთში.

კრემი დიპლომატის მომზადება: კვერცხის გულს, სახამებელს და შაქარს ვურევთ ერთმანეთში. ვაცხელებთ რძეს და ვასხამთ კვერცხის მასას, ვაბრუნებთ კვლავ ცეცხლზე და ვხარშავთ, სანამ კრემი არ გახდება პრიალა. ცხელ მდგომარეობაში ვუმატებთ კარაქს, ლიმონჩელოს და ჟელატინს კარგად ვურევთ და ვინახავთ მაცივარში. კარგად რომ გაცივდება, გავთქვიფოთ გაპრიალებამდე და გადავურიოთ ამოყვანილი ნაღები.

ნაყინის მომზადება: კვერცხის გულები და შაქარი ავურიოთ ერთმანეთში გავაცხელოთ რძე და დავასხათ კვერცხის მასას, მოვურიოთ და დავაბრუნოთ ცეცხლზე, ვურიოთ ინტენსიურად, რომ კვერცხი არ აიჭრას. პირველივე წამოდუღებისას, მოვხსნათ ცეცხლიდან, გადმოვიტანოთ სუფთა ჭურჭელში, დავუმატოთ ბაზილიკის ზეთი და შევდოთ მაცივარში. ცოტა რომ შეგრილდება ვამატებთ აზოტს.

ვიწყებთ თეფშის გაფერადებას მანდარინის სოუსით, შემდეგ ბრიოში, ჩაჭრილი და ავსებული კრემით. ვადებთ ნაყინს, მოვრთავთ მარილიანი პროშუტოს ჩიფსებით. ზემოდან კი, სურვილისამებრ, მსხლის ნაჭრის ჩიფსი.