გემოფესტი სამცხე-ჯავახეთი

“ბორჯომი” ადგილობრივი კულინარიული ფესტივალი “გემო ფესტი სამცხე-ჯავახეთი 2025-ის” მხარდამჭერია. ღონისძიება სამცხე-ჯავახეთის რეგიონში, კერძოდ ბორჯომში, 6-7 სექტემბერს იმართება.

ფესტივალი “Gemo Fest” გასტრონომიული ღონისძიებაა, რომელიც 2022 წლიდან ტარდება და რომლის მიზანია საქართველოს რეგიონების მრავალფეროვანი სამზარეულოს პოპულარიზაცია და აღნიშნულ სფეროში მომუშავე ადგილობრივი მეწარმეების ხელშეწყობა. ღონისძიება ასევე ხელს უწყობს შიდა და საერთაშორისო მოგზაურების გააქტიურებას საქართველოს ფარგლებში.