ოლეგ პეტრიჩენკო

მე  გახლავართ  ოლეგ პეტრიჩენკო, Good Restaurant-ის სარესტორნო ჯგუფის ბრენდ-შეფ-მზარეული. ჩემი პროფესიული გზა კლასიკური კულინარიული ტექნიკების შესწავლით და საკუთარი კულინარიული ხელწერის მუდმივი ძიებით დაიწყო. მუშაობის წლების განმავლობაში გავიარე გზა  ევროპული მიმართულების  რესტორნების სამზარეულოებიდან რამდენიმე პროექტის კონცეფციის მართვამდე, სადაც მთავარ პრინციპებად რჩება პროდუქტისადმი პატივისცემა, გემო და დეტალების მიმართ ყურადღება.

დღეს მე ვარ პასუხისმგებელი ხოროში გოდის, Percorso, Benedict და Benedict Mix რესტორნების სამზარეულოებზე. თითოეულ პროექტს თავისი ხასიათი და ფილოსოფია აქვს, მაგრამ მათ ერთი რამ აერთიანებთ — ხარისხიან ინგრედიენტებზე და თანამედროვე კულინარიულ მიდგომებზე დაფუძნებული მკაფიო, გულწრფელი გასტრონომიის შექმნის სურვილი. ჩემს საქმიანობაში განსაკუთრებულ ყურადღებას ვაქცევ სეზონურობას, გემოების ბალანსს და ახალი შეხამებების ძიებას, ამავდროულად გასტრონომიული ტრადიციების მიმართ პატივისცემის შენარჩუნებით. 

კულინარიაში წყალი გაცილებით მნიშვნელოვან როლს ასრულებს, ვიდრე ერთი შეხედვით შეიძლება ჩანდეს. ის მომზადების  პრაქტიკულად ყველა პროცესშია ჩართული — ბულიონებიდან და სოუსებიდან დაწყებული ცომით, ბოსტნეულითა და ხორცის კერძებით დამთავრებული. წყლის მინერალური შემადგელობა  გავლენას ახდენს ინგრედიენტების გემოზე, ტექსტურასა და აღქმაზე. სწორედ ამიტომ, ბორჯომი ჩემთვის  არ არის მხოლოდ მინერალური წყალი, არამედ არის პროდუქტი, რომელიც ხელს უწყობს კერძების გემოს გახსნას და მათი ბუნებრივი ხასიათის შენარჩუნებას.