ნინო პაპოშვილი

ნინო პაპოშვილი The Telegraph Hotel-ის იტალიური რესტორნის, Philosophico-ს მთავარი შეფია. კულინარიისადმი ინტერესი მას ბავშვობიდან აქვს, წლების განმავლობაში კი ეს ინტერესი საყვარელ პროფესიად და ყოველდღიური საქმიანობის განუყოფელ ნაწილად იქცა.

ნინოსთვის კარგი შეფობა მხოლოდ გემრიელი კერძების მომზადებას არ ნიშნავს. მისთვის მნიშვნელოვანია დისციპლინა, დეტალებზე ყურადღება და სტუმრისთვის ისეთი გამოცდილების შექმნა, რომელიც კერძის დაგემოვნების შემდეგაც სასიამოვნო ემოციად დარჩება.

მისი პროფესიული მიდგომის მნიშვნელოვანი ნაწილია გუნდური მუშაობა, ნდობა და სწორი კომუნიკაცია. ნინო მიიჩნევს, რომ ძლიერი სამზარეულო სწორედ ამ პრინციპებზე დგას, ხოლო ხარისხიანი შედეგი თითოეული წევრის პასუხისმგებლობასა და საერთო ძალისხმევას მოითხოვს