ბავშვობიდან მიყვარდა ხელით რაღაცების შექმნა. ჩემი მხატვრული ხედვაც ვფიქრობ, რომ  ოჯახმა განაპირობა, რადგან პატარაობიდანვე, ჩემ გვერდით, ბევრ ხელოვანს ვუყურებდი, რომელთაც, ასევე ძალიან უყვარდათ კულინარია. 

სწორედ ამიტომ ვცდილობ, ჩემი სფერო ხელოვნების დონეზე ავიყვანო, ჩემს საქმეს როგორც კრეატიული, ისე მეცნიერული მხრიდან მივუდგე, იმიტომ რომ ჩემთვის კულინარია ხელოვნების და მეცნიერების ჰარმონიული  შერწყმაა. ვცდილობ, ქიმიური პროცესებით ვიხელმძღვანელო  და ზუსტად  ვიცოდე მიზეზ-შედეგობრივი კავშირები, მზადების პროცესში.