2012 წელს დავამთავრე კულინარიული კოლეჯი „იკაროსი“. მას შემდეგ აქტიურად ვმუშაობ გასტრონომიულ სფეროში. უკვე 13 წელიწადია ჩართული ვარ ქართული და ევროპული სამზარეულოების ფუნქციონირებასა და განვითარებაში.

ამჟამად, ვასრულებ აღმასრულებელი შეფ–მზარეულის მოვალეობას თბილისში, რესტორან ,,ბელინიში’’. ჩვენს რესტორანში, თქვენ გაქვთ შესაძლებლობა დააგემოვნოთ, როგორც ავთენტური იტალიური, ასევე მოდერნიზებული ქართული კერძები. აქ დაგხვდებათ კლასიკური იტალიური გარემო, თავისი გამორჩეული სიმყუდროვითა და სერვისით. ასევე, ჩვენთან, თქვენ გაქვთ შესაძლებლობა დააგემოვნოთ სპეციალურად რესტორან ,,ბელინი’’-სთვის, ჩვენი შეფ–კონდიტერის მიერ შექმნილი უნიკალური დესერტები, რომელთა დამზადებისთვისაც, გამოყენებულია უმაღლესი ხარისხის ქართული და იტალიური პროდუქტები. ჩვენ მაქსიმალურად ვცდილობთ, შუაგულ თბილისში შევქმნათ ისეთი მყუდრო და კომფორტული გარემო, რომ ცოტა ხნით მაინც ვაგრძნობინოთ ჩვენს სტუმრებს თავი იტალიაში.