გამარჯობა, მე ვარ ლაშა რამიშვილი, შეფ-მზარეული. განათლებით იურისტი ვარ და ადრეული ასაკიდან პოლიტიკურ ჟურნალისტიკაში ვიყავი ჩართული, ერთ დღესაც გადავწყვიტე, რომ დრო იყო ის საქმე მეკეთებინა, რაც ყველაზე ძალიან მომწონდა.

ყველასთვის მოულოდნელად პირდაპირ ჟურნალის ოფისიდან წავედი კულინარიაში, ერთ-ერთ პატარა კაფეში სამუშაოდ. აქედან იწყება კულინარიული თავგადასავალი. გავიარე იერარქიულად სამზარეულოს ყველა საფეხური, მაქვს ნამუშევარი როგორც საქართველოში, ასევე საქართველოს საზღვრებს გარეთ, დიდ და პატარა პროექტებში.

დაახლოებით ექვსი თვეა რაც დავბრუნდი საქართველოში, ამჟამად ორ პროექტს ვხელმძღვანელობ, რესტორნის (Salt) შეფ-მზარეული ვარ და დელივერი ბოქსების სტარტაპის (Easy meal) ბრენდ-შეფი.