“Მე ირინა ვარ, რესტორატორი, კვების ობიექტებისთვის მენიუსა და კონცეფციას უკვე მერვე წელია ვადგენ, თუმცა ამის გარდა სულ ვცდილობ გასტრონომიული სამყაროს გარშემო ყველა ახალი გამოწვევა მივიღო და ჩავერთო ახალ, სასარგებლო პროექტებში.

ჩემთვის კულინარია და საკვებ პროდუქტებთან შეხება ადრეული ასაკიდანვე სიახლის ძიებასთან ასოცირდებოდა, სწორედ ამ ძიებისა და ექსპერიმენტების პროცესში მივხვდი, რომ კულინარია ის სფერო იყო, რომელიც აუცილებლად ჩემი ცხოვრების მთავარი ნაწილი უნდა გამხდარიყო.

კულინარია ის ხელოვნების დარგია, რომელიც ყველა ემოციურ კომპონენტს გივსებს, ის რაც დიდ სიყვარულს, ყურადღებას და გამბედაობას მოითხოვს, სულ სწავლის და აღმოჩენის პროცესში ხარ” - ირინა ელიოზიშვილი