“2011 წელს ჩავაბარე თავისუფალ უნივერსიტეტში, აზიის და აფრიკის სკოლაში და დავიწყე ჩინური ენის შესწავლა. 2015-2016 წლებში ვიცხოვრე ჩინეთში, სუჭოუსა და შანხაის ქალაქებში.

ამ პერიოდში განსაკუთრებით დავინტერესდი კულინარიით. პანდემიამდე  საქართველოში დამყავდა ტურისტული ჯგუფები ჩინეთიდან, ამჟამად კი ჩინურს ვასწავლი სახლში. ასევე  ვმუშაობ საავიაციო სფეროში, ამერიკულ კომპანიაში, რომელიც ახორციელებს ავიანაწილების  შესყიდვა/გაყიდვებს. მე ვმუშაობ ბიზნეს დეველოპმენტის დეპარტამენტში.

ვარ მასტერშეფის მე-7 სეზონის ფინალისტი. მაქვს ინსტაგრამ ბლოგი, რომელიც ეძღვნება კულინარიას, ცხოვრების სტილს (lifestyle) და მოგზაურობებს. ახლო მომავალში ვაპირებ გავაკეთო კულინარიული ბლოგი ტიკტოკზე და მივიღო მონაწილეობა ორბელიანის საახალწლო ბაზარზე, სადაც მოვამზადებ ჩინურ კერძებს. ასევე მომავალი წლიდან მექნება მასტერკლასები.” - ალექსანდრა კორენევიჩი