ხაჭაპური ისპანახით

30-60 წუთი

საშუალო

500+ კკალ

ტრადიციული, მაგრამ ცოტა მივიწყებული ქართული კერძი.

ინგრედიენტები

1500 1500 გრ. ფქვილი

20 20 გრ. საფუარი

3 3 მარილი

20 20 გრ. შაქარი

50 50 მლ. ზეთი

1 1 კგ. ისპანახი

800 800 გრ. იმერული მარილიანი ყველი

30 30 გრ. მწვანე ხახვი

30 30 გრ. კამა

30 30 გრ. ქინძი

200 200 გრ. ღორის ქონი ან ერბო

2 2 ხახვი

100 100 გრ. კარაქი

საფეხური 1

თასში გავცრათ 1კგ ფქვილი, ცალკე პატარა ჭურჭელში საფუარი და შაქარი ერთმანეთს შევურიოთ, დავასხათ თბილი წყალი და ვაცადოთ აფუება.

საფეხური 2

ფქვილს შევურიოთ მარილი, დავუმატოთ აფუებული საფუარი და თბილი წყლით მოვზილოთ ცომი, (რთულია წყლისა და ფქვილის ზუსტი პროპორციის მითითება, ვინაიდან ფქვილზე და ცომის მოზელვის ტექნიკაზე ბევრი რამაა დამოკიდებული, ამიტომ ენდეთ საკუთარ თვალს, ნელნელა და ფრთხილად ამატეთ წყალი). ცომი უნდა იყოს ფაფუკი, ხელებიდან ადვილად უნდა გვეცლებოდეს (ეს მზაობის ნიშანია), ბოლოს გადავზილოთ ზეთით, დავდოთ თბილ ადგილას, გადავაფაროთ სუფთა ნაჭერი ან საკვები "ცელოფანი" და დაველოდოთ აფუებას.

საფეხური 3

დავუმატოთ დაფშვნილი ან გახეხილი ყველი. ცალკე ტაფაზე, ერბოში ან ღორის ქონში მოვშუშოთ წვრილად დაჭრილი 2 ცალი ხახვი, დავუმატოთ გულსართს და კარგად ავურიოთ ერთმანეთში.

საფეხური 4

ცომი რომ ამოფუვდება, დავყოთ თანაბარ ნაწილებად, მე გავყავი სამად, შესაბამისად იმავე რაოდენობით ვყოფთ გულსართს. გულსართი, რა თქმა უნდა, ცომზე ნაკლები მოცულობის უნდა იყოს.

საფეხური 5

ფქვილიან ზედაპირზე გავაბრტყელოთ ცომი, დაახლოებით 0.7 სმ სისქეზე, ჩავდოთ გულსართი და თავი მოვუკრათ ისე, რომ სრულიად დაიფაროს ცომით. შემდეგ ეს გუნდა გავათანაბროთ ისე, რომ შევინარჩუნოთ მრგვალი ფორმა, გადავიტანოთ წინასწარ გახურებულ საცხობ ფორმაზე და იქ მივცეთ საბოლოო სახე, შევდგათ წინასწარ გახურებულ ღუმელში 220გრადუსზე 10 ან 15 წუთით (დამოკიდებულია ღუმელზე).

სერვირება

გამომცხვარ ხაჭაპურს კარაქი მოუსვით კარგად და სუფრასთან მიიტანეთ ცხელ მდგომარეობაში.

დააჭირეთ აქ თუ მოამზადეთ კერძი

მაიკო ნავროზაშვილი

კულინარიაში პირველი პროფესიული ნაბიჯები ...

შენახვა

134

თეგები

ყველი ისპანახი

რჩევები

ისპანახი შეგიძლიათ ჩაანაცვლოთ ჭარხლის ფოთლებით, მომზადების პრინციპი იგივე დარჩება, ან ნაკლებად მარილიანი ყველით, ეს უკვე გემოვნების და სურვილის მიხედვით.