Search
Or
რაჭული ლობიოს წვნიანი
30-60 Min
საშუალო
მძიმე
500+ Kcal

როგორც უმეტესობა რაჭული ლობიოს კერძი, რაჭული ლობიოს წვნიანიც მყარად დგას რაჭული ლორის მხრებზე. რაჭული ლორი ქართული ლორების სიამაყეა, ჩვენი ხამონი, ჩვენი პროშუტო, ჩვენი დამარილებული ხორცის არომატი. მიკვირს, რატომ არ იყიდება მაღაზიებში. ამ კონკრეტული ლორის წარმომავლობა სოფელი სადმელიდანაა. იქვე ჩნდება კითხვა, რატომ ეს რეცეპტი, რა არის მასში ასეთი განსაკუთრებული? ის, რომ ამბროლაურის ცენტრში მყოფ სასადილოში ვჭამე და ადგილზევე მივხვდი, რომ ამ კერძის რეცეპტის გარეშე ცხოვრება ბევრად უინტერესო იქნებოდა, მოკლედ რომ ვთქვათ, ეს რეცეპტი მზარეულს ორ საათიანი წვალების შედეგად გამოვძალე  და ახლა  მინდა, რომ გააკეთოთ და თქვენით იგემოთ ეს ამბროლაურული საოცრება.

ingredients
70 70 გრ. ლობიო (წინასწარ მოხარშული)
30 30 გრ. რაჭული ლორი
2 2 კბილი ნიორი
1 1 მწიკვი ქინძი
8 8 გრ. მწვანე წიწაკა
1 1 დაფნა
1 1 მწიკვი რეჰანი - ნედლი ან მშრალი
1 1 მწიკვი ქონდარი - ნედლი ან მშრალი
step 1
ლორის ქონიანი ნაჭრები ჩავყაროთ სქელ ძირიან ქვაბში, მოვბრაწოთ სანამ ქონი არ გალღვება.
step 2
შემდეგ ქონში ჩავყაროთ წვრილად დაჭრილი ხახვი, ნიორი და ქინძის ღეროები, ფოთლები შევინახოთ. დაველოდოთ ხახვის გაუფერულებას, მაგრამ აუცილებელია ტემპერატურის კონტროლი, რათა ნიორი არ დაიწვას.
step 3
შემდეგ ჩავამატოთ ლობიო და მსუბუქად ჩავსრისოთ, ისე რომ ნაწილი დაისრისოს, ნაწილი მთლიანი დარჩეს.
step 4
შემდეგ ვამატებთ წვრილად დაჭრილ მწვანე წიწაკას, დაფნის მთლიან ფოთოლს, დაკეპილ რეჰანს და ქონდარს. კარგად ამოვურევთ და დავუმატებთ მდუღარე წყალს. ვადუღოთ 10 წუთი.

How To Serve

მივირთვათ შოთის პურთან ერთად. სიმსუბუქისთვის, გირჩევთ დავაყოლოთ ბორჯომი!