სალათა კეილით და ტკბილი კარტოფილით

გამარჯობა, მე ვარ ნათია ლაცაბიძე. თავს ვთვლი გურმანად, რადგან უზომოდ მიყვარს და მაინტერესებს კულინარია, დიდ სიამოვნებას მანიჭებს ახალი კერძების გასინჯვა და მუდმივად ახალი გემოების აღმოჩენაში ვარ.

გამიმართლა, რომ გავიზარდე ისეთ ოჯახში, სადაც დედა ყოველთვის უგემრიელეს საჭმელს ამზადებდა, მეც ყოველთვის დიდი ინტერესით ვაკვირდებოდი და ვსწავლობდი მისგან.

შემდეგ დაახლოებით 5 წელი ვმუშაობდი რესტორნებში, სადაც უამრავი რამ ვისწავლე საკვების უსაფრთხოებაზე, სერვისზე, სერვირებაზე, ყავის კულტურაზე, მომხმარებელთან ურთიერთობის ფსიქოლოგიაზე და ა.შ. შემდეგი პერიოდი კი იყო მოგზაურობის და უამრავი თავგადასავლის, ჯერ ევროპა, შემდეგ-აზია. სხვადასხვა კულტურის გაცნობისას, აღმოვაჩინე უამრავი კერძი, რომელიც მანამდე არასდროს გამისინჯავს.

აზიაში ცხოვრების დროს ვისწავლე მათი საყვარელი კერძების თავისებურებებზე, ჭამის კულტურასა და ჩაის სმის რიტუალზე. მარტო ცხოვრების დროს კი შევძელი ეს ყველაფერი პრაქტიკაშიც გადამეტანა და მეცადა. განსაკუთრებით მიყვარს მექსიკური, ინდური, იაპონური და ჩინური სამზარეულოები.

საკვებთან ურთიერთობა და მომზადებული კერძებით გამასპინძლება ძალიან მეხალისება. სულ ცოტა ხნის წინ კი შევქმენი საკუთარი საკვების ბლოგი nati.asplatesofjoy. იდეა ჯერ კიდევ 5 წლის წინ გაჩნდა, თუმცა ძალიან დატვირთული სამუშაო გრაფიკის გამო, ვერ შევძელი ჩანაფიქრის განხორციელება.

ძალიან მიხარია და მადლიერი ვარ, რომ ამ ეტაპზე მაქვს მეტი თავისუფალი დრო და დიდი ენთუზიაზმი, რომ სხვებსაც გავუზიარო სხვადასხვა ქვეყნის ტრადიციული, განსხვავებული და გემრიელი ვიდეო-რეცეპტები.