ფინიკის ნამცხვარი

30-60 წუთი

საშუალო

500+ კკალ

მე ვარ ნინო, პროფესიით ფინანსისტი, ბევრი წელი ამ პროფესიით ვიმუშავე კიდეც. ტკბილეულის მომზადება ბავშვობიდან მიყვარს, დიდი ხნის მანძილზე ეს საქმიანობა ჩემი ჰობი იყო, შემდეგ კი გადავწყვიტე პროფესიად მექცია და მალევე ჩავაბარე საქართველოს აგრარული უნივერსიტეტის კულინარიის აკადემიაში, შეფ კონდიტერის კურსზე. კურსის დასრულების შემდეგ, ვმუშაობდი რამდენიმე ცნობილ სასტუმროსა თუ საკონდიტროში, საბოლოოდ კი, მეგობართან ერთად გავხსენი საკონდიტრო „ჩიზქეიქერი“, სადაც ჩიზქეიქების და სხვადასხვა დესერტების დიდი არჩევანია წარმოდგენილი.

ასევე ვარ კულინარიის აკადემიის ლექტორი, სადაც მზარეულის პროგრამის სტუდენტებს ვასწავლი საკონდიტრო ნაწარმის მომზადების ტექნოლოგიას. - ნინო გუგეშაშვილი

ინგრედიენტები

300 300 გრ. ფინიკი (გარჩეული, წვრილად დაჭრილი)

2 2 ცალი ფორთოხლის ცედრა

180 180 მლ. ფორთოხლის წვენი

3 3 ცალი კვერცხი

180 180 მლ. ზეთი

150 150 გრ. ყავისფერი შაქარი

350 350 გრ. ფქვილი

10 10 გრ. გამაფხვიერებელი

50 50 გრ. თხილი

50 50 გრ. ნიგოზი

1 1 ჩაის კოვზი დარიჩინი დაფქული

1 1 ჩაის კოვზი კოჭა დაფქული

კრემისთვის:

200 200 გრ. კრემ ყველი (სასურველია მარილიანი)

100 100 მლ. ნაღები 35%-იანი

50 50 გრ. შაქრის პუდრი

დეკორისთვის:

50 50 გრ. ფინიკი, ოთხად დაჭრილი

30 30 გრ. ნუშის ფანტელი

საფეხური 1

მომზადების ტექნოლოგია: ღუმელი გავახუროთ 160 გრადუსზე

საფეხური 2

ფქვილი, გამაფხვიერებელი, კოჭა, დარიჩინი, დაცეხვილი თხილი და ნიგოზი მოვათავსოთ ერთად.

საფეხური 3

კვერცხი და ყავისფერი შაქარი მოვათავსოთ ცალკე თასში, გავთქვიფოთ მსუბუქად მიქსერით ან ხელის სათქვეფით, დავამატოთ ფორთოხლის წვენი და ცედრა, შემდეგ ზეთი, ბოლოს კი, წინასწარ მომზადებული მშრალი ინგრედიენტების ნარევი.