Search
Or
წიწილი გურულ სოუსში
30-60 Min
საშუალო
500+ Kcal

“კულინარია ჩემთვის ერთადერთი სასაუბრო ენაა, რომელსაც ეროვნება არ გააჩნია. კულინარია ჩემთვის ხელოვნებაა, სადაც შემიძლია ვიყო ვინც მინდა და როგორიც მინდა. 
მე ვარ ალექსანდრე უგრეხელიძე, მაქვს ჩემი ხელწერა და ვთვლი, რომ ყველაფერს უნდა შევხედო არასტანდარტულად ისე, რომ არსებული ჰარმონია და წესრიგი არ დავარღვიო. ბავშვობიდან არ მიოცნებია მზარეულობაზე, ეს უფრო თავისით საიდანღაც მოვიდა როგორც მუზა და დღეს ვთვლი, რომ ყველაზე სწორი ნაბიჯი, რაც კი გადამიდგამს არის ის, რომ მე დღეს მზარეული ვარ და ვაგრძელებ ზრდას, სწავლას და განვითარებას…
ჩემი ინსპირაციის წყარო ჩემი ყოველდღიურობაა და ჩემი ყოველდღიური დაუღალავი განვითარების სურვილია, ჩემთვის არ არსებობს ჩარჩოები და არც ამ ჩარჩოებში გამოკეტილი კონსერვატიული ცნობიერება. ჩემი არასტანდარტული მიდგომა და განსხვავებული ჩემეული ხედვა მეხმარება იმაში, რომ შევქმნა კონცეფცია, რომელიც მე მომიტანს შედეგს და ეს შედეგი აუცილებლად იქნება წარმატებული. მჯერა მომავლის და მჯერა იმის, რომ უშედეგო ბრძოლა არ არსებობს…”
 

ingredients
1 1 ცალი წიწილი (1,200 გ)
200 200 გრ. თხილი
200 200 გრ. ქინძი
40 40 გრ. ოხრახუში
15 15 გრ. მწვანე წიწაკა
20 20 გრ. ნიორი
10 10 გრ. სვანური მარილი
25 25 მლ. ვაშლის ძმარი
150 150 მლ. ზეთი
200 200 გრ. წყალი
step 1
პირველ რიგში ბლენდერში ვათავსებთ მოხალულ და ქერცლისაგან გასუფთავებულ თხილს, თხილთან ერთად ბლენდერში ვათავსებთ ქინძს, ოხრახუშს, მწვანე წიწაკას, ნიორს, სვანურ მარილს, ვაშლის ძმარს, ზეთს, წყალს.
step 2
ვაბლენდერებთ მანამ, სანამ არ მივიღებთ ერთგვაროვან, კრემისებრ მასას, რომელსაც ვინახავთ მაცივარში მინიმუმ 1 საათით. სანამ სოუსს მაცივარში "ვასვენებთ", ვიწყებთ წიწილის გასუფთავებას, რეცხვას და ბოლო ეტაპზე წიწილს სრულად ვათავისუფლებთ ძვლისგან.
step 3
ძვალგამოცლილ წიწილს ორივე მხრიდან ვამუშავებთ სვანური მარილით და ვდებთ კარგად გაცხელებულ ტაფაზე. წიწილს ვწვავთ დაახლოებით 10 - 15 წუთი საშუალო ცეცხლზე.

How To Serve

სერვირება: ჩვენთვის სასურველ თეფშზე გადაგვაქვს ჩვენ მიერ მომზადებული გურული სოუსი, რომელშიც ვათავსებთ სასურველ ნაჭრებად დაჭრილ შემწვარ წიწილს.