Search
Or
ბოსტნეულის ტარტი
30-60 Min
საშუალო
მსუბუქი
201-500 Kcal

“მიყვარს სიახლეები, სირთულეებთან გამკლავება და მაბედნიერებს ახალი წამოწყების გამოსვლით მიღებული კმაყოფილების შეგრძნება.
პროფესიით მარკეტერი ვარ, ყველაზე საყვარელი ჰობი კი მაქვს ორი - იოგა და კულინარია. იოგა ჩემი საქმიანობის ნაწილი იყო 1 წლის მანძილზე, კულინარიას ჯერ-ჯერობით მხოლოდ მოყვარულის სტატუსს ვუტოვებ. 
მიყვარს ბალანსი ცხოვრებაშიც, ადამიანებთან ურთიერთობაშიც და კულინარიაშიც. მაბედნიერებს კერძში ბევრი ფერის დანახვა, გონებაში სხვადასხვა პროდუქტს ვაკავშირებ ხოლმე ერთმანეთთან და მსიამოვნებს, როცა გემო წარმოსახვითს ემთხვევა. ნებისმიერ დროს შემიძლია მოვამზადო ლანჩი სამსახურში წასაღებად, ან ახლობლების გასამასპინძლებლად. მზარეულობა ჩემთვის ერთგვარი თერაპიაა ახალი აღმოჩენების ტკბობით. 
ისიამოვნეთ საკუთარი შეგრძნებებით და იკვებეთ სიამოვნებით #eatmorecolors”. - ნინო შარიფაშვილი 

ingredients
500 500 გრ. ფენოვანი ცომი
200 200 გრ. არაჟანი (15%)
100 100 გრ. სულგუნი
2 2 ცალი ბადრიჯანი
2 2 ცალი ყაბაყი
4 4 ცალი სტაფილო
1 1 ცალი ტკბილი კარტოფილი
1 1 მწიკვი მარილი
1 1 მწიკვი ფერადი წიწაკა
2 2 ჩაის კოვზი სანელებლების ნაზავი (ყვითელი ყვავილი, უცხო სუნელი, ქინძი)
step 1
მზა ცომის გამოყენების შემთხვევაში, წინასწარ გამოიღეთ საყინულიდან, რომ გალღვეს. ბოსტნეული დაჭერით სათლელით, ძალიან თხლად.
step 2
არაჟანს დაუმატეთ გახეხილი ყველი, სანელებლები, მარილი და ფერადი წიწაკა გემოვნებით. საცხობ ყალიბს წაუსვით ზეთი, ცომი რომ არ მიეკრას. ფენოვანი ცომი გააბრტყელეთ, მოათავსეთ ფორმაში და ჩანგლით ჩაჩხვლიტეთ.
step 3
მოათავსეთ არაჟნის სოუსი ცომზე და წრიულად, მონაცვლეობით დაალაგეთ დათლილი ბოსტნეული. ფუნჯით მოუსვით მცირე რაოდენობით ზეთი, დააფარეთ ფოლგა და გამოაცხვეთ 200° გახურებულ ღუმელში 30 წუთით, შემდეგ მოხსენით ფოლგა და გააჩერეთ კიდევ დაახლოებით 10-15 წუთი.
step 4
გამოცხობის დრო, მაინც ღუმელზეა დამოკიდებული და თავად აკონტროლეთ. ცოტა შეაგრილეთ, დაჭერით და გემრიელად მიირთვით.
step 5
რჩევა: ბოსტნეული თუ დაგრჩათ, არ გადაყაროთ - მოშუშეთ და დამატებითი კერძიც გექნებათ.

How To Serve

გემრიელად მიირთვით!