Search
Or
კიწის კექსი
30-60 Min
საშუალო
201-500 Kcal

“ცხობა 12 წლის ასაკში დავიწყე, მაშინ პირველად ორცხობილები დავაცხვე. 
მას შემდეგ ცომთან ვმეგობრობ, თუმცა, წლებთან ერთად და ჯანსაღ ცხოვრების წესზე გადასვლასთან ერთად, ვცდილობ რაციონში და დესერტებშიც მაქსიმალურად ჯანსაღი ალტერნატივები ავირჩიო. სრულად ამოვიღე შაქარი და ჩავანაცვლე ის თაფლით. 
მიყვარს მარტივი რეცეპტები, სადაც ინგრედიენტების ჩანაცვლება საბოლოო შედეგზე უარყიფითად არ აისახება და პირიქით ახალ, განსხვავებულ ნოტებს სძენს გემოს. 
როგორც წესი, ჩემს სამზარეულოში, ყველა კერძი ექსპრომტად კეთდება, არსებული ინგრედიენტების ლოგიკური შეხამებით. რეცეპტებს თითქმის არასდროს ვიწერ და ყველაფერს თვალის ზომით ვაკეთებ. მხოლოდ იმ შემთხვევაში ვიხსენებ შემადგენლობას, თუ გარშემომყოფთა ოვაციებს იწვევს... ეს კექსიც ასე დაიბადა და ჩვენი ლაშქრობების განუყოფელ თანამგზავრად იქცა. Შაქრის შემცველი შოკოლადებისა და წასახემსებლებისგან განსხვავებით, გრძელვადიანი ენერგიისა და სასარგებლო მიკროელემენტების გროვაა. 
ასევე, სულ ვამბობ, რომ ჯანმრთელი საკვები გემრიელია, თუ საკვებს ხელოვნური გემოს გამაძლიერებლები და არომატიზატორები არ ურევია, იმას არ ნიშნავს, რომ გემო არ აქვს. როგორც სტარტერები, ისე ძირითადი კერძები და დესერტები შეიძლება იყოს გემრიელი და სასარგებლო, აძლიერებდეს იმუნიტეტს და აუმჯობესებდეს ნივთიერებათა ცვლას. საბოლოო ჯამში ხომ ჩვენი ჯანმრთელობისა და სილამაზის 70% სამზარეულოში იქმნება”. კიწი სამსონაძე, ფოტოგრაფი
 

ingredients
100 100 გრ. კარალიოკის ჩირი
60-70 60-70 გრ. ლეღვის ჩირი
50 50 გრ. ქიშმიში
50 50 გრ. ფინიკი
1 1 ცალი ესპრესო
30 30 გრ. გოგრის გული
30 30 გრ. მზესუმზირა
30 30 გრ. ნიგოზი
30-40 30-40 გრ. თაფლი ან ბაქმაზი გემოვნებით
2 2 ცალი საშუალო ზომის ვაშლი
2 2 ცალი კვერცხი
1 1 მწიკვი მარილი
1 1 მწიკვი სოდა
1 1 მწიკვი დარიჩინი (ან გემოვნებით)
100-150 100-150 გრ. ფქვილი
step 1
ღუმელს ვაცხელებთ 180 გრადუსზე. ჩირს და ნიგოზს, გარდა ქიშმიშისა, ვაქუცმაცებთ წვრილად, ვამატებთ ქიშმიშს და სხვა თხილეულს. გავთლით და გავხეხავთ ვაშლს, დავამატებთ ჩირებს.
step 2
ვაყრით დარიჩინს და სურვილისამებრ, დამატკბობელს. ვასხამთ ესპრესოს. ჩირის მასაში ვამატებთ კვერცხს.
step 3
ფქვილში ვყრით სოდასა და მარილს, ვამატებთ ჩირების მასაში. ყველაფერს კარგად ვურევთ, რომ კექსის ცომის კონსისტენციის მასა მივიღოთ.
step 4
შევდგათ კექსი ღუმელში და 20 წთ 180 გრადუსზე ვაცხოთ, შემდეგ დავუწიოთ ტემპერატურას 160 გრადუსამდე, რომ შიგთავსი კარგად გამოცხვეს.
step 5
დაახლოებით 40-50 წთ შემდეგ ჩხირით შევამოწმოთ, თუ შიგთავსი გამომცხვარია, ტემპერატურა ისევ 180 გრადუსამდე ავწიოთ და მხოლოდ ზედა მხარე დავტოვოთ ჩართული, რომ ზედა ნაწილი უფრო შეიფეროს. კექსი მზადაა.

How To Serve

გემრიელად მიირთვით!