ცეპელინი

“კერძი, რომელიც მოგიმზადეთ ჩემთვის სიმბოლური და ნოსტალგიურია. ცეპელინი ლიეტუვური ნაციონალური კერძია, მისი მომზადება სწორედ ვილნიუსში ცხოვრების დროს ვისწავლე, სადაც 10 წელი გავატარე, კულინარიამაც ამ პერიოდში გამიტაცა. ვფიქრობ, რომ კულინარია ხელოვნებაა, დიდ სიამოვნებას მანიჭებს მომზადების პროცესი, მეგობრების და ოჯახის წევრების გამასპინძლება. მიუხედავად პროფესიული რეჟიმისა და ცხოვრების წესისა, ბალერინები გურმანები ვართ.” - ლიეტუვის ნაციონალური ოპერისა და ბალეტის თეატრის სოლისტი მაიკო დოლიძე

მომზადების დრო

60+ წუთი

სირთულე

საშუალო

კალორიები

500+ კალორია

საჭმლის ტიპი

მთავარი კერძი

უხდება

ბორჯომის ლიმონათი ტარხუნა

რეცეპტის ავტორი

მაიკო დოლიძე

ინგრედიენტები

ულუფა :

კარტოფილი

3 ცალი

გატარებული ხორცი

100 გრამი

ხახვი

1 /4 ცალი

არაჟანი

25 გრამი

სოკო

25 გრამი

მარილი

1 მწიკვი

შავი პილპილი

0.25 ჩაის კოვზი

ბეკონი

50 გრამი

საფეხური

ჯამში მოვათავსოთ საქონლის ან შერეული ფარში, დავუმატოთ წვრილად დაჭრილი ხახვი, 1/2 ჩ.კ. მარილი და მწიკვი პილპილი.

საფეხური

მოვხარშოთ 2 ცალი კარტოფილი კანიანად, გავაგრილოთ, გავფცქვნათ და გავხეხოთ წვრილ სახეხზე. დარჩენილი 4 უმი კარტოფილი გავხეხოთ წვრილ სახეხზე, გახეხილი მასა მოვათავსოთ დოლბანდზე და კარგად გავწუროთ. გამოწურული სითხე მოვათავსოთ გამჭვირვალე ჯამში და დავდგათ 15 - 20 წუთი სახამებლის მიღებამდე. გადავწუროთ სითხე, ჯამის ძირზე დარჩება სახამებლის მასა, რომელსაც შევურევთ კარტოფილს.

საფეხური

მოხარშული და უმად გახეხილი კარტოფილი შევურიოთ ერთმანეთს, დავუმატოთ სახამებელი, 1/2 ჩ.კ მარილი და ავურიოთ ერთგვაროვანი მასის მიღებამდე. მიღებული მასა გავყოთ 4 - 5 ნაწილად, ხელის გულზე გავაბრტყელოთ, ჩავდოთ 1 ჩ.კ გატარებული ხორცი და მოვუკრათ თავი.

საფეხური

მომზადებული ცეპელინი სათითაოდ მოვათავსოთ ადუღებულ მარილიან წყალში და ვხარშოთ 20 წუთის განმავლობაში.

სერვირება

ბეკონი შევწვათ ტაფაზე, დავალაგოთ მოხარშულ ცეპელინებზე, მოვასხათ არაჟნის სოუსი და გავაფორმოთ მარინირებული სოკოთი.

Comments