Search
Or
დორადო ჯანჯაფილის ტკბილ-ცხარე სოუსით
30-60 Min
საშუალო

ბრენდ-შეფი თორნიკე სახვაძე მილანურ ბისტრო გრაუნდ 84-ში გვმასპინძლობს.

“თითქმის რვა წელია ამ სფეროში ვარ, ჩემი პირველი სამუშაო ადგილი ლაუნჯ-რესტორანი აკადემია იყო, სადაც ნულიდან დავიწყე ყველაფერი. მალევე გავხდი შეფ გიორგი სარაჯიშვილის სუ-შეფი და დღემდე ერთად ვმუშაობთ სხვადასხვა პროექტზე.

კარიერის ყველაზე ხანგრძლივი პერიოდი ბროტმაისტერს უკავშირდება, ეს იყო პირველი ქსელური კომპანია, სადაც ვიმუშავე აღმასრულებელ შეფად.

ამჟამად ჩემი ძირითადი საქმიანობა მოიცავს კვების ობიექტებისთვის კონსულტაციის გაწევას, მენიუების შედგენას, სამზარეულოს აწყობას და შემდგომ კონტროლს, მასტერკლასების ჩატარებას. მომავალში ვგეგმავ თანამედროვე ქართული სამზარეულოს საზღვრებს გარეთ გატანას.”

ingredients
20 20 გრ. ჯანჯაფილი
70 70 მლ. ტკბილი ჩილის სოუსი
20 20 მლ. საფერავი
10 10 მლ. სოიოს სოუსი
5 5 გრ. ნიორი
5 5 გრ. შაქარი
5 5 გრ. ქინძის ძირი
300-400 300-400 გრ. დორადო
80 80 გრ. პანკო
50 50 გრ. კარტოფილის სახამებელი
2 2 კვერცხი
2 2 გრ. მარილი
2 2 გრ. პილპილი
300 300 მლ. ზეთი
step 1
სოუსის მოსამზადებლად წამოადუღეთ საფერავი, წვრილად დაჭერით ჯანჯაფილი და ნიორი. ცხელ ღვინოში შეურიეთ ჯანჯაფილი, ნიორი, ჩილის სოუსი, სოიოს სოუსი, შაქარი და დაჭრილი ქინძის ძირი. კარგად მოურიეთ და შეაგრილეთ გამოყენებამდე.
step 2
დაამუშავეთ დორადო, განაცალკევეთ ფილე. თევზის ხერხემალი ამოავლეთ კარტოფილის სახამებელში და შეწვით ფრიტურში. მსუბუქად ათქვიფეთ კვერცხი, დაუმატეთ მარილი და პილპილი. თევზის ფილე დაჭერით საშუალო ზომის ნაჭრებად, ამოავლეთ კვერცხში, შემდეგ პანკოში, ეს მოქმედება ორჯერ გაიმეორეთ. ფილე შეწვით ფრიტურში ან ღრმა ქვაბში, სახლის პირობებში.

How To Serve

მიირთვით სოუსთან ერთად.