ვარ 20 წლის, დავიბადე და გავიზარდე თბილისში. 16 წლის ასაკში გადავწყვიტე საფრანგეთში სასწავლებლად წასვლა , ჯერ იქ სკოლა დავამთავრე შემდეგ კი ჩავაბარე საფრანგეთის ერთერთ კულინარიულ სკოლაში. ჩემი პირველი პრაქტიკა გავიარე გორდონ რემზის რესტორანში რომელიც მდებარეობს ბორდოში სადაც გავატარე დაუვიწყარი 5 თვე შევისწავლე ყველაფერი რაც დამწყებ მზარეულს სჭირდება, რის შემდეგაც ცოტა ხნით დავბრუნდი საქართველოში მონაწილეობა მივიღე ერთ-ერთ კულინარიულ გადაცემაში, შემდეგ ვმუშაობდი ფრანგულ რესტორან “ლადუღე”-ში ჯუნიორ სუ-შეფად, რის შემდეგაც მიმიწვიეს პარიზში “გი სავუას” მიშელინის ვარსკვლავიან რესტორანში სადაც კიდევ უფრო მეტი ცოდნა მივიღე. ახლა ვიმყოფები თბილისში და მონაწილეობას ვიღებ მასტერშეფში. ახლო მომავალში ვაპირებ იტალიაში წასვლას რომ ცოდნა კიდევ გავიღრმავო და მეტი გამოცდილება შევიძინო, ვაპირებ ასევე ბევრ მოგზაურობას მსოფლიო სხვა და სხვა კუთხეში რომ აღმოვაჩინო ახალი და საინტერესო გემოები. საკმარის ცოდნას როდესაც შევიძენ აუცილებლად გავხსნი ჩემ ქართულ რესტორანს საფრანგეთში.

საფეხური 1

ვადგამთ ქვაბს წყლით და მარილით პასტისთვის, ვჭრით 200 გრ. გოგრას კუბებად, 30 გრ. თეთრ ხახვს,1 კბილ ნიორს და 2 ჩხირ შებოლილ სულგუნს.

საფეხური 2

ტაფას ვაცხელებთ, შემდეგ ვასხამთ ცოტა ზეთს და ვწვავთ გოგრის კუბებს, ვაყრით მარილს და პილპილს. ფერს როცა შეიცვლის, ვუმატებთ ხახვს, ნიორს, კარაქს, სალბს და შებოლილ სულგუნს. 5-6 ცალ შემწვარ გოგრას ცალკე ვინახავთ და ადუღებულ წყალში მოსახარშად ვყრით პასტას 7-8 წუთით.

საფეხური 3

ვაცდით 3-4 წუთი შეწვას და არომატის გახსნას, შემდეგ ვუმატებთ არაჟანს, პასტის წყალს და კარგად ვაბლენდერებთ. უნდა მივიღოთ პიურესთან შედარებით თხელი მასა. ვიღებთ მოხარშულ პასტას და ვურევთ სოუსს.

საფეხური 4

პასტა გადმოგვაქვს თეფშზე და ვაფორმებთ: გოგრის შემწვარი კუბებით, დაძენძილი შებოლილი სულგუნით, შებოლილი ნუშით, სალბით და შუაში ვდებთ უმი კვერცხის გულს რომელსაც ვაყრით სალბის ფხვნილს.

სერვირება

გემრიელად მიირთვით.