Search
Or
ძროხის სუკი ლუდით და ყავით
60+ Min
საშუალო
მძიმე
2
201-500 Kcal

თანამედროვე გასტრონომია და კულინარია აქტიურად ეფუძნება და იყენებს სამეცნიერო პრონციპებს. ერთ-ერთი ყველაზე საინტერესო მეცნიერების აპლიკაცია განსხვავებული წარმოშობის პროდუქტებისგან, არაკონვენციონალური შეხამებების შექმნაა. ეს მოიცავს ინგრიდიენტების ორგანული ქიმიის თვალით განხილვას, მათ მარტივ მამრავლებად დაშლას და მათი ნახშიწყალბადოვანი კომპონენტების შესწავლას. მოკლედ რომ ვთქვათ, თუ ორ განსხვავებულ ინგრიდიენტში, მაგალითად ყაბვში და ძროხის ხორცში საკმარისი ერთნაირი არომატული ნაერთი და კომპონენტია, იმაზე მიგვითითებს, რომ ეს ორი ინგრედიენტი ერთმანეთს მოუხდება. მიიჩნევა, რომ თუ ორ ინგრიდიენტში ემთხვევა 20-22 ნაერთზე მეტი, ისინი ერთმანეთს უხდება, მაგალითად ლუდს, ყავას, და ძროხის ხორცს 26 ერთნაირი ორგანული ნაერთი აქვთ, რაც გვაძლევს იმის საბაბს, რომ ამ კერძის გაკეთება ვცადოთ. შედეგი კი, აუცილებლად გაგაოცებთ თავისი განსაკუთრებული გემოთი. :)

ingredients
1 1 საქონლის სუკი
500 500 მლ. შავი ლუდი
20 20 გრ. დაფქვილი ყავა
10 10 გრ. პაპრიკა
50 50 გრ. დაფქვილი ქინძი
50 50 გრ. დაფქვილი მდოგვი
50 50 გრ. ნივრის ფხვნილი
20 20 გრ. ყავისფერი შაქარი
150 150 გრ. თეთრი ხახვი
500 500 გრ. კარტოფილი
40 40 გრ. თაფლი
180 180 გრ. სტაფილო
step 1
ვარჩვეთ ყველაზე მსუქან სუკს. გვახსოვდეს, რაც მეტი კუნთი და ცხიმი აქვს ხორცს, მით უფრო წვნიანი და გემრიელი იქნება. თუ ცხიმოვანი გროვები მოყვითალოა, ესეიგი ძროხა ასაკოვანია და მისი ხორცი ბევრად უფრო მჟავე და მკვრივი იქნება. ავიღოთ სუკი, გავასუფთაოთ და მივიყვანოთ დაახლოებით ისეთ მდგომარეობამდე, როგორც სურათზეა. პარალელურად დავჭრათ სტაფილო, დაახლოებით 1 სმ სისქის რგოლებად, ხახვიც დაახლოებით იგივე სისქეზე. რაც შეეხება კარტოფილს, ჯერ კარგად გავრეცხოთ, რადგან კანითვე უნდა მივირთვათ. დანით ჩავჭრათ რომბები ისე, რომ კარტოფილი ბოლომდე არ ჩაიჭრას და არ დაიშალოს.
step 2
გავახუროთ ღუმელი 135 გრადუს ცელსიუსზე. ვიღებთ ყველა სუნელს, ერთად ვფქვავთ და ერთმანეთს ვურევთ. ვუმატებთ 1.5 ჩაის კოვზ მარილს. ეს ფხვიერი მასა უნდა შევზილოთ ხორცში. მინდა, რომ თქვენი თავი წარმოიდგინოთ ტაილანდელი მასაჟისტის როლში, ორივე ხელით აიღოთ სუნელების ნაზავი, და მასაჟირებით შეაზილოთ ხორცს, თქვენი ხელები ხორცს გაათბობს, რაც ხელს შეუწყობს ცხობის პროცესს. თუნუქის ფურცელზე დავყაროთ დაჭრილი ბოსტნეული. კარტოფილს მოვაყაროთ ნარჩენი ხორცის სუნელი, ხახვისგან და სტაფილოსგან გავაკეთოთ კუნძული, ზემოდან გადავასხათ ლუდი, და დავადოთ ხორცის ნაჭერი, გვერდზე დავულაგოთ კარტოფილი, თუნუქის ფურცელს გადავაკრათ ალუმინის ქაღალდი და შევდგათ ღუმელში 130 გრადუსზე. დაახლოებით საათსა და 20 წუთში ხორცის შიდა ტემპერატურა მიაღწევს 65 გრადუსს, რის შედეგადაც ხორცი მზადაა.

How To Serve

ხორცი ბოსტნეულეულთან ერთად გადმოვიტანოთ დაფაზე და დავასვენოთ 10-15 წუთი, შემდეგ დავჭრათ. ამ კერძს ძალიან უხდება ცივი ყავა ან ლუდი.

Useful Tips

იცოდეთ, ხორცის გამოცხობა მოთმინებას ითხოვს, მაგრამ ბევრად სასიამოვნო შედეგს გვაძლევს. ერთი და იგივე ზომის ნაჭერი შეგიძლიათ 200 გრადუს ცელსიუსზე 30-35 წუთი აცხოთ, ან 125 გრადუსზე 2 საათი, შედეგად კი იმას მიიღებთ, რომ 125 გრადუსზე გამომცხვარი ხორცი ბევრად რბილი და არომატული იქნება. ეს იმიტომ ხდება, რომ ხორციდან ნაკლები სითხე ორთქლდება და გამოცხობის პროცესიც უფრო ერთგვაროვნად მიდის. დაბალი ტემპარატურის შემთხვევაში, სიღრმეში ხორცი ისე იქნება გამომცხვარი და სასურველი ტენიანობის, რომ გარეთა შრეები არ გამოშრება.