ნუშის პანეტონი

გავხსნათ საფუარი და თაფლი თბილ რძეში. დავასხათ ფქვილს და მოვზილოთ კარგად ცომი. თუ გაქვს ცომსაზელი მიქსერი, დააყენეთ დაბალ სიჩქარეზე და 8 წუთის განმავლობაში გადაზილეთ ცომი. გადავიტანოთ ცომი ზეთით დაცხიმულ ჯამში, დვააფაროთ გრინი (ცელოფანი) და დაველოდოთ ამოსვლას. ცომის ზომა მინიმუმ 2-ჯერ მაინც უნდა გაიზარდოს მოცულობაში.

პირველ ცომს დავამატოთ შაქრის და ვანილის პუდრა. შემდეგ დანარჩენი ინგრედიენტები, კარაქის გარდა. კარგად მოვზილოთ ცომი ხელით ან მიქსერით დაბალ სიჩქარეზე 8 წუთის განმავლობაში. ბოლოს დავამატოთ რბილი კარაქი და ისევ გადავზილოთ ცომი მაღალ სიჩქარეზე 10 წუთის განმავლობაში. ცომი უნდა გამოვიდეს რბილი და ელასტიური. შეიძლება დასჭირდეს ცოტა რძის დამატება თუ სასურველი კონსისტენიის არაა.

ფრთიხალ გადაურიეთ ხილის მიქსი, გადააკარით ზემოდან გრინი და დაელოდეთ ცომის ამოსვლას. როდესაც ცომი კარგად ამოვა, ნაზად მოურიეთ ხელით, რომ ჰაერი გამოვიდეს და დაასვენეთ15 წუთი. შემდეგ ზეთით დაისველეთ ხელები და მაგიდის ზედაპირი, დაყავით ცომი სასურველი ზომის ბურთებად, დააფარეთ ნაჭერი და ისევ დაასვენეთ 30 წუთი.

როდესაც ცომი დაისვენებს, მიეცით ისევ ბურთის ფორმა და ჩადეთ კულიჩის ფორმებში. დადეთ თბილ ადგილას და დაელოდეთ ცომის ამოსვლას. წაუსვით კვერხის გული და ზემოდან ბასრი დანით ოდნავ ჩაწერით ცომი ჯვარივით. გააცხელეთ ღუმელი 180 გრადუსამდე და გამოაცხვეთ პანეტონები 40 წუთი.

მოაყარეთ დაფქული შაქარი ან გააფორმეთ გემოვნებით.