• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

მოსმულა

მოსმულა თუშური კერძია და როგორც ლუკამ უკვე აღნიშნა ერთ-ერთ პოსტში - ქართული ატრია იტალიურ პასტას გემოთი არ ჩამოუვარდება, მრავალფეროვანი ფორმებითა და ინგრედიენტების სიმრავლით თუ გვაჯობებენ. ვამზადებთ არატრადიციულ მოსმულას, იტალიური პასტის ცომით (ანუ ინტერპრეტირებული რეცეპტია და არაკლასიკური თუშური), ხოლო ჭყინტი ყველის მაგივრად გამოვიყენებთ თუშურ კალტს (კალტი ძროხის რძისგან დამზადებული ხაჭოს ყველია, რომელსაც ამარილებენ და ისე ინახავენ, პარმეზანს ჰგავს თავისი ძლიერი გემოთი და არომატით, თუმცა მე პირადად კალტს ვანიჭებ უპირატესობას). 

მოსმულა

მომზადების დრო

30-60 წთ

სირთულე

საშუალო

კალორიები

250-500 კალორია

საჭმლის ტიპი

მთავარი კერძი

ბორჯომის მინერალური წყალი
ბორჯომის მინერალური წყალი

უხდება

ბორჯომის მინერალური წყალი

ირკა ქელეხსაშვილი

რეცეპტის ავტორი

ირკა ქელეხსაშვილი

მოსმულა

ინგრედიენტები

ულუფა :

1

ფქვილი

50 გრამი

კვერცხი

1 ცალი

ზეითუნის ზეთი

1.5 სუფრის კოვზი

ხახვი

20 გრამი

ერბო

20 მილილიტრი

არაჟანი

30 მილილიტრი

ნიორი

2.5 გრამი

თუშური კალტი ან ჭყინტი ყველი

15 გრამი

საფეხური

droplet

1

chef

ჩავყაროთ ფქვილი ჯამში, გავუკეთოთ ორმო, დავამატოთ ერთი კვერცხი და ზეითუნის ზეთი. თავდაპირველად ჩანგლით ავთქვიფოთ, ხოლო როდესაც ცომი შესქელდება, ხელით მოვზილოთ. ცომი რბილი და პრიალა უნდა გამოვიდეს, ამიტომ დიდხანს უნდა ზილოთ და არ დაამატოთ ზედმეტი ფქვილი. სწორი კონსისტენცია მაშინ არის, როდესაც ცომს თითს დააჭერ და არ მიგეკრობა. გადააკარით ცომს გრინი და დაასვენეთ რამდენიმე წუთი.

საფეხური

droplet

2

chef
სანამ ცომი ისვენებს, ერბოში მოვთუშოთ წვრილად დაკეპილი ნიორი და თხელ ნახევარმთვარეებად დაჭრილი ხახვი. დასვენებული ცომი გავაბრტყელოთ და მივცეთ ნიოკის ფორმა (ასე თუშები აკეთებენ). შეგიძლიათ პასტის ნებისმიერი სახეობა გააკეთოთ, მითუმეტეს თუ პასტის საბრტყელებელი მანქანა გაქვთ.

საფეხური

droplet

3

chef
გამზადებული ატრია ჩაუშვით მდუღარე მარილიან წყალში და 2-დან 5 წუთმდე ხარშეთ (გააჩნია ცომის სისქეს). გასინჯეთ, არ უნდა გადაიხარშოს. თითქმის მზა ატრია გადაწურეთ და ჩაუშვით ხახვიან ტაფაში. კარგად ამოურიეთ, მოაყარეთ პილპილი, მოასხით არაჟანი და თუ სურვილი გექნებათ სხვა სუნელებითაც შეაზავეთ.

სერვირება

droplet

4

chef
გადაიტანეთ თეფშზე და მოაყარეთ გახეხილი კალტი (ან ჭყინტი ყველი) და ამოურიეთ.

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone