სიბასი (ქორჭილა) ჯონჯოლით და ისპანახით

30-60 წუთი

საშუალო

0-200 კკალ

მიყვარს ზღვის პროდუქტი, მითუმეტეს ისეთი ზღვის პროდუქტი, რომელიც შავ ზღვაშია, მაგრამ, რატომღაც, მასზე არავინ თევზაობს. ვამბობ არავინ, თუმცა ვგულლისხმობ ქართველებს, თორემ თურქები მშვენივრად თევზაობენ ზღვის ქორჭილაზეც, ლეშაზე და სარღანზე.

ხოდა, ითევზვეს თურქებმა სიბასზე, გამოუშვეს საქართველოში, ჩვენ კი ვიყიდეთ და ვაკეთებთ კერძს.

ინგრედიენტები

2 2 ზღვის ქორჭილა

15 15 გრ. ლიმონი

300 300 გრ. ჯონჯოლი

200 200 მლ. კახური ზეთი

2 2 დიჟონის მდოგვი

20 20 გრ. ოხრახუში

40 40 გრ. ხახვი

150 150 მლ. ვაშლის ძმარი

150 150 მლ. არაყი

400 400 გრ. ისპანახი

1 1 მწიკვი შაქარი

10 10 გრ. ფქვილი

10 10 გრ. ხმელი ქინძი

საფეხური 1

ფილირებულ თევზს ვდებთ მარინადში 15 წუთით. მარინადი - 150 მლ. არაყი, 100 მლ. ძმარი, 50 მლ. კახური ზეთი, 5 გრამი მარილი, 10 გრამი შაქარი.

საფეხური 2

მარინადიდან ამოღებულ თევზს დავფქვილავთ მხოლოდ კანის მხრიდან და შევწვავთ ბევრ ზეთში ტაფაზე, ისე რომ თევზი არ ამოვატრიალოთ. პარალელურად, ტაფაზე დაგროვებული ზეთი, კოვზით მოვასხათ თევზს, რომ ზემოდანაც შეიწვას.

საფეხური 3

პარალელურად, ფინჯანში ჩავასხაღ 2 სუფრის კოვზი ძმარი, 2 ჩაის კოვზი მდოგვი და დავიწყოთ მორევა სათქვეფით, ნელ-ნელა დავამატოთ 100 მლ. კახური ზეთი და სტაბილურად ვურიოთ. რაც უფრო მეტ ზეთს დავამატებთ, მით უფრო სქელი გამოვა მაიონეზი. ბოლოს დავამატოთ ერთი მწიკვი მარილი და ამოვურიოთ. მიღებული მაიონეზი დავამატოთ ჯონჯოლს. ზოგადად 100 მლ. ყოფნის 500 გრ. ჯონჯოლს.

საფეხური 4

მესამე კომპონენტი არის ისპანახი, რომელიც უნდა მოვწალოთ 2 წუთით, გავაციოთ ცივ წყალში და გავწუროთ. შემდეგ დავკეპოთ, დავამატოთ 20 მლ. კახური ზეთი, 5-7 გრამი მშრალი ქინძი და 40 გრამი წვრილ კუბებად დაჭრილი ხახვი.

სერვირება

სერვირებისთვის, მოვათავსოთ ჯონჯოლი და ისპანახი თეფშზე, ზემოდან დავადოთ თევზი, მოვასხათ დარჩენილი მაიონეზი და რამდენიმე წვეთი ლიმონის წვენი.

დააჭირეთ აქ თუ მოამზადეთ კერძი

ლუკა ნაჭყებია

ჩვენს გარშემო ყველაფერი მოქმედებს ფიზიკი ...

შენახვა

თეგები

რჩევები

პირველ რიგში, სასურველია სიბასის ფილირება. გასაგებია, რომ ბევრმა არ იცის ეს როგორ ხდება, მაგრამ 5 წუთიანი ინტერნეტ გამოძიება აუცილებლად მიგიყვანთ ვიდეომდე, სადაც ზღვის ქორჭილას აფილირებენ. თევზიდან ფილეს ამოღება რთული არაა, უმეტესობა ერთმანეთს გავს.