• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

ზღვის ლეშა ქინძმარის სოუსით და ისპანახით

საქართველოში უამრავი მდინარე, ტბა, წყალსაცავი და ამასთანავე საკმაოდ დიდი ზღვის სანაპირო ხაზია - თევზეულის მომზადების კულტურა კი მაინც არ გვაქვს. ამ ფრაზის წაკითხვის შემდეგ აუცილებლად გამოჩნდება ადამიანი,რომლის ოჯახსაც თევზეულის უამრავი რეცეპტი აქვს წინაპრებისგან შემორჩენილი. მინდა ვუთხრა ამ ადამიანს, რომ ის არის ათასში ერთი და განსაკუთრებული, ჩვენ კი, უბრალო მოკვდავები, თევზს საკმარის პატივს არ ვცემთ. ამიტომაც გადავწყვიტე პატივი ვცე თევზეულობას - დღეს მოვამზადებთ  შავი ზღვის ლეშას (იგივე შავი ზღვის კარჩხანა), რომელსაც გემრიელი თეთრი ხორცი და სასიამოვნო არომატი აქვს.

ზღვის ლეშა ქინძმარის სოუსით და ისპანახით

მომზადების დრო

30-60 წთ

სირთულე

საშუალო

კალორიები

250-500 კალორია

საჭმლის ტიპი

მთავარი კერძი

ბორჯომის ლიმონათი ტარხუნა
ბორჯომის ლიმონათი ტარხუნა

უხდება

ბორჯომის ლიმონათი ტარხუნა

ლუკა ნაჭყებია

რეცეპტის ავტორი

ლუკა ნაჭყებია

ზღვის ლეშა ქინძმარის სოუსით და ისპანახით

ინგრედიენტები

ულუფა :

1

არაყი

7.5 მილილიტრი

ქიშმიში

7.5 გრამი

ისპანახი

60 გრამი

ლიმონი

0.5 ცალი

შაქარი

7.5 გრამი

ნიორი

0.5 კბილი

დაღერღილი წითელი წიწაკა

1 მწიკვი

წითელი წიწაკის კაკლები

7.5 გრამი

ძმარი

10 მილილიტრი

ქინძი

0.5 მწიკვი

მწვანე ხახვი

10 გრამი

ლეშა

0.5 ცალი

საფეხური

droplet

1

chef

კერძის მომზადებას ვიწყებთ თევზის ფარფლებისგან გაწმენდით და ფილეების ამოჭრით. ლეშას ცოტა ფხა აქვს, თანაც ყველა დიდი ზომისაა, ამიტომ ამ თევზის დამუშავება საკმაოდ ადვილია.

საფეხური

droplet

2

chef
ძმარს, არაყს, პილპილის კაკლებს, დაფნის ფოთოლს, გასრესილ ნიორს და ლიმონის ცედრას ვათავსებთ ერთ ჭურჭელში - ეს იქნება ჩვენი მარინადი. ქინძს ღეროები მოვაჭრათ (ფოთლები შევინახოთ) და ჩავყაროთ მარინადში, დავამატოთ 50 გრ შაქარი და 10გრ მარილი. მარინადი წამოვადუღოთ და გავაციოთ, რომ არომატები გაიხსნას და გაძლიერდეს.

საფეხური

droplet

3

chef
გაციებულ მარინადში ჩავდოთ თევზის გასუფთავებული ფილეები და გავაჩეროთ 7-8 წუთით. მარინადის სიმჟავე შეამზადებს თევზს მსუბუქი შეწვისთვის.

საფეხური

droplet

4

chef
თევზს მარინადიდან რომ ამოვიღებთ, იგივე მარინადი კიდევ ერთხელ წამოვადუღოთ, ისევ გავაციოთ, შემდეგ ჩავაჭრათ ქინძის ფოთლები, მწვანე ხახვი და ჩავყარით შიგნით ქიშმიშები. მიღებული მასა დავწუროთ საცერში, დავასხათ ტაფაზე და ავადუღოთ. დავამატოთ შაქარი და ვაქციოთ მსუბუქ სიროფად.

საფეხური

droplet

5

chef
თევზი შევწვათ ტაფაზე, ცოტა ზეთში, 1 წუთი ერთ მხარეს, 1 წუთი მეორე მხარეს. ისპანახის მთლიან ფოთლებს მოვაყაროთ გადადებული ქინძი, ხახვი და ქიშმიში, მოვასხათ სიროფი და დავდოთ თეფშზე.

სერვირება

droplet

6

chef
სერვირებისთვის ისპანახზე დავასვენოთ თევზის ფილეები და მივირთვათ.

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone