Асқабақ курды қосылған жаңажылдық тарт

Сары май мен тұзды кремтәрізді қоймалжыңға айналғанша бұлғаңыз. Қант, бадам ұны мен жүгері крахмалын қосыңыз. Жұмыртқаны көпіршітіп, ұн қосыңыз да, үстелдің үстіне илеңіз. Жақсы иленген қамырды тоңазытқышта шамамен 1 сағатқа қалдырыңыз. 

Қамырды жайып, қалыпқа салыңыз. 170 градуста 15 минут пісіріңіз.

Туралған асқабақты 180 градуста қызған пеште 50 минут пісіріңіз. Асқабақтың жұмсақ етін алыңыз, апельсин шырынын қосып, араластырыңыз. Белсендіру үшін желатинді суық суға жібітіңіз. 

Жұмыртқаны бөлек ыдыста аздап көпіршітіңіз.Кішкене кәстрөлге қант пен асқабақ езбесін салып, қайнатыңыз, қант толығымен еруі керек, содан кейін жұмыртқаны осы қоймалжыңға құйып, қарқынмен араластырыңыз, қайтадан отқа қойып, қайнатыңыз.

Сары май мен сүзілген желатинді қосыңыз, біртекті қоймалжыңға айналғанша қол блендерімен араластырыңыз. 
Асқабақ курдын пісірілген жұмсақ қамырға құйып, тоңазытқышта 40 минут суытыңыз.

Итальяндық меренга

Қант пен суды араластырып, қоспаны баяу отта қыздырыңыз. Шәрбат 114 градусқа дейін қызған кезде жұмыртқаның ағын ең жоғары жылдамдықта бұлғауды бастаңыз. 

Шәрбатты 121 градусқа дейін жеткізіңіз де,бір шетке қойып, көпіршіктердің кетуін күтіңіз.
Ақуыздарды баяу бұлғай отырып, ақуыздарға шәрбатты жіңішкелеп құйыңыз.

Меренганы толығымен суығанша бұлғаңыз. Кондитерлік қапшыққа салып, тартты безендіріңіз.

Аздап қуырыңыз, үстіне бадам крамблын себіңіз.