Search
Or
საგაზაფხულო ხბოს წვნიანი
30-60 Min
საშუალო
201-500 Kcal

“მზარეულობა გენეტიკური ფაქტორია, რაც თავი მახსოვს სულ მომწონდა კერძების მზადების პროცესის ყურება. Პირველი ნაბიჯები ამ სფეროში მოსკოვში, მაგისტრატურაზე სწავლისას გადავდგი. Შემდეგ გერმანიაში, ასპირანტურაში საკანდიდატო დისერტაციის დაცვისას, წელიწადნახევრის განმავლობაში 100-ზე მეტი გასტრონომიული კურსი ჩავატარე ქართულ სამზარეულოზე გერმანელებისათვის, ქართული სუფრის ტრადიციების გარდა ვასწავლიდი ქართულ კერძებს. საფრანგეთში სულ მეკითხებოდნენ როდის გახსნი რესტორანსო ... ყველას უხაროდა როცა მე ვამზადებდი. 2005 წლიდან უკვე პროფესიონალურად მივუდექი ამ სფეროს, უამრავ ცნობილ შეფთან მქონია ურთიერთობა და მათგან ბევრი რამ ვისწავლე. მაქვს გავლილი ძალიან საინტერესო კულინარიული კურსები, მათ შორის მოლეკულური გასტრონომიის. მაქვს ასეულობით გასტრონომიული ტელეგადაცემა წაყვანილი უკრაინული ტელევიზიებისთვის.
1991 გავემგზავრე საფრანგეთში მონპელიეს უნივერსიტეტში, წარმოების მართვის ინსტიტუტში, რომელიც ფრანგული მენეჯმენტის საუკეთესო სკოლაა. Შემდეგ დავიწყე მუშაობა ფრანგული შოკოლადის დიდი ჯგუფისთვის, რომელიც აღმოსავლეთ ევროპის ბაზარზე შედიოდა. ვარ შოკოლადის ექსპერტი, 25 წელზე მეტია ამ სფეროში ვარ. 
2006 წლიდან შოკოლადის გაყიდვების გამო აღმოსავლეთ ევროპაში მომიწია შესვლამ უფრო გასტრონომიული კუთხით და გავხდი თანადაამაარსებელი კომპანია DGF-ს, ვხელმძღვანელობ აღმოსავლეთ ევროპას გასტრონომიული ინგრედიენტების მხრივ. ვიღებ მონაწილეობას ტკბილის ხელოვნების მსოფლიო ჩემპიონატში პარიზში, ვაკეთებ გუნდების სელექციას, როგორც საქართველოდან, ასევე უკრაინიდან.
ვარ უკრაინის ნაციონალური საკონდიტრო ჩემპიონატის დამაარსებელი. Შოკოლადის ბრენდის “ნაპოლეონის” მფლობელი. 
2013 წელს კიევში დავაარსე DGF-ის პირველი საკონდიტრო სკოლა და 2020 წელს გავხსენი საკონდიტრო სკოლა თბილისში. დღეს ვარ ლ’ეკლერ დე ჟენის თანამფლობელი.
სოციალური მედია, ინტერნეტი საშუალებას გვაძლევს ვიზუალური განვითარებისთვის და ბევრს შეუძლია ლამაზი კერძის შექმნა, მაგრამ ეს საკმარისი არ არის, მთავარია გემო და ჰარმონია, კერძის დანახვიდან, გასინჯვასა და მის მეხსიერებაში არსებობამდე. მე ნებისმიერ ჩემს კერძს სიამოვნებით გავუზიარებ მსურველს“.- ზაზა ქასაშვილი
 

ingredients
600 600 გრ. ხბოს ხორცი
80 80 გრ. ბულგარული წითელი
80 80 გრ. ბულგარული მწვანე
120 120 გრ. Სტაფილო
150 150 გრ. ქამა სოკო
150 150 გრ. ხის სოკო
1 1 გრ. მარილი
1 1 გრ. პილპილი
1 1 გრ. მიხაკი
50 50 გრ. სოიოს სოუსი
2 2 გრ. ლაიმის ფოთოლი
30 30 გრ. ლიმონი
50 50 გრ. ხახვი
150 150 გრ. Პომიდორი
20 20 გრ. მწვანილი ქინძი
20 20 გრ. კარაქი
3 3 გრ. ლემონგრასი
80 80 გრ. მარწყვი
step 1
ძვლიანი ხბოს ხორცის ნაჭრები ჩავდოთ ბორჯომის წყალში 45 წუთით, შემდეგ მოვხარშოთ მწარე წიწაკასთან და მიხაკიან ხახვთან ერთად. საჭიროების მიხედვით, როგორც კი ადუღდება, გადავუწუროთ წყალი, დავუმატოთ ლემონგრასის ღერო და ლაიმის ფოთოლი, ვხარშოთ სანამ ხორცის სირბილეს არ მივაღწევთ.
step 2
კარაქი გავადნოთ ტაფაზე, ოდნავ მოვხრაკოთ ბოსტნეული (სოკო ოთხად დაჭრილი, ხის სოკო ჟულიენებად დანაწევრებული) დავასხათ ბორჯომი, დავაფაროთ საცხობი ქაღალდი. ბულიონში ჩავაწუროთ ცოტა ლიმონის წვენი, მოვაყაროთ მარილი, პილპილი და მოვასხათ ცოტა სოიოს სოუსი. ჩავდოთ ხორცი და ბოსტნეული.
step 3
ცალკე ჯამში ჩავყაროთ წვრილად დაჭრილი მოწალული და კანგაცლილი პომიდორი წითელ ხახვთან და სოიოს სოუსთან ერთად და გაცემის წინ გავაცხელოთ. ჩავასხათ ჯამში სადაც კანგაცლილი პომიდვრის მასაა.

How To Serve

წვნიანი ცალკე მიჰყვება პატარა სასოუსეებში სოიოს სოუსი, ლიმონის ნაჭერი, წითელი ხახვი, ოთხად დაჭრილი მარწყვი (ტყის მარწყვი სასურველია), ქინძის ფოთლები და მწვანე ხახვი.